Ermənistanda hakimiyyət sisteminin dağılması başlayıb. Paşinyan etiraf edib ki, uyğun olmayanı bir araya gətirməyə çalışıb

Bakı/16.11.20/Turan: Ermənistan XİN rəhbəri Zöhrab Mnatsakanyan noyabrın 16-da istefa verib, bu barədə XİN-in mətbuat katibi Anna Naqladyan bildirib. Bir gün öncə onun müqavini Şavarş Köçəryan istefa verib. 

Bu gün isə Hərbi-Sənaye Komitəsinin rəhbəri, Ermənistan Baş Qərargahının keçmiş rəisi Artak Davtyan işdən çıxarılıb.

Dünən və bu gün parlamentin hakim "Mənim addımım" fraksiyasının ən azı üç deputatı öz səlahiyyətlərini dayandırıb.

Ermənistan XİN xüsusi tapşırıqlar üzrə səfir Karen Mirzoyan da vəzifədən getməsi haqda ərizə yazıb

Bu gün parlamentdə çıxış edən Nikol Paşinyan etiraf edib: "Bizim yanaşmalarımız, əvvəla, müharibənin istisna edilməsi prinsipi, ikincisi, bir qarış da torpaq prinsipi olub. Bizim ssenarimiz olmalıydı və biz buna hazırlaşmalıyıq. Bizim ən böyük səhvimiz o oldu ki, bizə elə gəlirdi ki, vaxtı sonsuz uzada bilərik. Gəlin aydın şəkildə deyək ki, 1998 – ci ildən başlayaraq danışıqlar prosesində yalnız bir formul və amil hiss olunub ki, danışıqlar prosesinin məqsədi yeddi rayonun Azərbaycana qaytarılmasıdır. Danışıqlar prosesində yeganə konkretlik bu idi", - o bildirib.

Onun sözlərinə görə, bu prinsiplərdən birinin xeyrinə seçim edilməməsi strateji səhv idi.

"Biz onları birləşdirmək istədik. Biz seçmək lazım idi. Düzünü desək, biz bu seçimi etməyə çalışdıq və düzünü desək etdik. ki, iki il yarım ərzində bu seçimə zəmanət verilməsi üçün bir şey edə bilməməyimiz başqa məsələdir ", - Paşinyan deyib.

Deputatların reaksiyasına əsasən, Paşinyan nə danışdığını özü də bilmir.J-02D-