Ermənistanın baş nazirinin müavini - əsirlərin dəyişdirilməsi davam edəcək (YENİLƏNİB)

Qarabağdakı sülhməramlıların komandiri Rüstəm Muradov Bakı ilə İrəvan arasında əsir mübadiləsindən danışdı.

"Bu gün başqa bir əsir dəyişməsi həyata keçirildi. Şəxsi nəzarətim altında sülhməramlıları tərəfindən aparılan işlərin nəticəsində Rusiya hərbi təyyarəsi əsirlikdə olan iki azərbaycanlını Bakıya gətirdi və dörd məhkum geri döndü" dedi Muradov.

*   *   *

2020 Dekabr 28 (Bazar ertəsi) 19:45:26

Ermənistanın baş nazirinin müavini Tiqran Avinyan bildirib ki, əsirlərin dəyişdirilməsi prosesi davam edəcək

Bakı/28.12.20 / Turan: Azərbaycan Rusiya və Qırmızı Xaç vasitəsilə dörd əsiri Ermənistana təhvil verib. Bu barədə dekabrın 28-də axşam Ermənistanın baş nazirinin müavini Tiqran Avinyan bildirib.

"Əsirlər həkimlərin nəzarəti altındadır, lazımi tibbi və mənəvi-psixoloji yardım alacaqlar", - “Sputnik Armeniya” Avinyandan sitat gətirir. Mənbəyə görə, əsirlərin dəyişdirilməsi prosesi davam edəcək. O, erməni tərəfinin Azərbaycana kimisə verib-verməməsi barədə bildirməyib.

Əsirlərin ilk mübadiləsi dekabrın 14-də və 15-də olub. Azərbaycan 44 əsiri, Ermənistan isə 12 nəfəri təhvil verib. "Hamının hamıya" prinsipi üzrə mübadilə Azərbaycan, Rusiya və Ermənistan prezidentlərinin 10 noyabr tarixli üçtərəfli bəyanatında əksini tapıb.

Hələlik Azərbaycan əsirlərin Ermənistana verilməsi barədə məlumat verməyib.-02D-