Bakı/18.10.20/Turan: Üç erməni hərbi əsir öz yaxınları ilə telefonla əlaqə saxlaya bilib. Onlar sentyabrın 27-də Qarabağda döyüşlərin ilk günündə yaralanıb və əsir düşüblər.
Oktyabrın 18-də Azərbaycan Əsir və İtkin Düşmüş, Girov Götürülmüş Vətəndaşlarla Əlaqədar Dövlət Komissiyasının katibi İsmayıl Axundov Bakıda hospitallardan birində yerləşən hərbi əsirlərə baş çəkib.
Erməni hərbçilər Areq Sarqsyan və Narek Əmircanyan valideynlərilə telefonla əlaqə saxlayıblar.
Albert Mikaelyan valideynlərinin telefon nömrəsini xatırlaya bilməyib və ona video-müraciət etmək imkanı verilib, Dövlət Komissiyasının məlumatında bildirilir.
Ermənistanın keçmiş ədliyyə naziri Artak Zeynalyan söhbət faktını təsdiq edib. “Əsgərlər bildiriblər hər şey yaxşıdır və onlar hospitala yerləşdirilib”, - o, Facebook səhifəsində yazıb.
Qeyd edək ki, əsirlərin üçü də yaralanıb, onlara lazımi yardım göstərilir, müalicə olunurlar.-02В-
Siyasət
-
Azərbaycan dekabrın 25-də Qroznıya uçan AZAL təyyarəsinin qəzaya uğraması nəticəsində həlak olanların və yaralananların ailələrinə maddi yardım göstərilməsilə bağlı Ramzan Kadırovun bəyanatını rədd edib.
-
"Təyyarə vaxtında uçdu, ancaq saat 10:13-də geri döndü. Bu gün üçün reys ləğv edildi. Səbəbi məlum deyil", - hava limanının nümayəndəsi Turan agentliyinə bildirib. Reysin daha sonra baş tutub-tutmayacağı məlum deyil.
-
Rusiya tərəfi Çeçenistan səmasında AZAL-ln təyyarəsinin vurulmasında əli olduğunu inkar etmək üçün hər şeyi edir. Rusiya KİV quşlarla toqquşma və təyyarənin düşməsindən əvvəl göyərtədə balonun partlaması barədə xəbərlər yayır.
-
ABŞ-ın yeni məlumatları göstərir ki, Azərbaycanın Qazaxıstanda qəzaya uğramış sərnişin təyyarəsini Rusiyanın hava hücumundan müdafiə sistemi vura bilərdi, - Turan-ın Vaşinqton müxbiri adlarının açıqlanmasını istəməyən iki amerikalı məmura istinadən bildirib.
Rəy yaz