Eşton və Füle: Azərbaycanda seçkilər beynəlxalq standartlara uyğun olmayıb
Avropa İttifaqının xarici siyasət üzrə ali komissarı Ketrin Eşton və genişlənmə üzrə Avropa komissarı Ştefan Füle Azərbaycanda oktyabrın 9-da keçirilmiş prezident seçkiləri ilə bağlı kəskin tənqidlə çıxış ediblər.
“Biz ATƏT DTİHB beynəlxalq missiyasının ilkin rəyini diqqətə aldıq.
Seçkilərdə seçici iştirakının yüksək olması Azərbaycan xalqının demokratik prosesə sadiqliyinə dəlalət edir. Lakin ATƏT DTİHB-nin rəyi səsvermə günü ciddi problemlər olduğunu göstərdi və kampaniya dövründə kobud nöqsanlar olduğunu – ifadə, toplaşmaq və birləşmək azadlığının məhdudlaşdırıldığını üzə çıxardı.
Bununla da namizədlərin prosesdə iştirakı üçün bərabər imkanlara zəmanət verilmədi ki, Azərbaycanın beynəlxalq standartlarına əsasən, belə bir zəmanət olmalı idi”, deyə bəyanatda bildirilir.
Ketrin Eşton və Ştefan Füle Azərbaycan hakimiyyətini beynəlxalq ictimaiyyətin tövsiyələrini nəzərə almağa və demokratiyanın inkişafı və qanunun aliliyi istiqamətində addımlar atmağa çağırır, deyə bəyanatda qeyd edilib.
Maraqlıdır ki, Avropa İttifaqı nümayəndələri öz qiymətləndirmələrində Avropa Parlamenti üzvlərinin deyil, ATƏT müşahidəçilərinin fikrindən istifadə ediblər. -02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz