![Fazil Qasımov 19 gündür ki, təcridxanasında aclıq edir](https://turan.az/resized/news/2024/g36krjWSxkySKBVfVknqNP84ltVtcirnnuMXQv8y-750-500-resize.webp)
Fazil Qasımov 19 gündür ki, təcridxanasında aclıq edir
Fazil Qasımov 19 gündür ki, təcridxanasında aclıq edir
İstanbul Universitetinin doktorantı, iqtisadçı-alim, həbsdə olan Fazil Qasımov 19 gündür ki, 1 saylı Bakı İstintaq Təcridxanasında aclıq edir. Bu barədə Turan-a onun qardaşı Nazim Qasımov bildirib. Dünən axşam o, qardaşı ilə telefonla danışıb.
"Qardaşımın vəziyyəti çox ağırdır. Aclıq etməsinə baxmayaraq, onu ümumi kamerada saxlayırlar. Ancaq tibbi nəzarət var. Həkimlər vaxtaşırı təzyiqini ölçürlər. Dünən təzyiqi 70 /50 olub. Fazilin səhhəti zəifləyib. Səsi çox yavaş gəlirdi. Təcridxanaya girəndə 80 kiloqram idi. Hazırda 60 kiloqramdır", - Nazim Qasımov deyib.
Onun sözlərinə görə, Fazil Qasımov dərman və qida maddələrindən imtina edir. "Mən israrla Fazildən aclığı dayandırmasını xahiş etdim. Ancaq o, yola gələn deyil. Aclığı sona qədər davam etdirmək niyyətindədir", - Nazim Qasımov deyib.
Fazil Qasımovun vəkili Rövşanə Rəhimova Turan-a bildirib ki, müdafiə tərəfi iqtisadçının ev dustaqlığına buraxılmasından imtina edilməsindən apellyasiya şikayəti verib.
İstanbul Universitetinin doktorantı, iqtisadçı-alim Fazil Qasımov ötən ilin avqustunda Türkiyədə saxlanılaraq Azərbaycana gətirilib. O, saxta pul hazırlamaqda ittiham olunub. O zaman hakimiyyətyönlü KİV bildirmişdi ki, onun həbsi müxalifətçi siyasətçi Qubad İbadoğlunun (oxşar ittiham irəli sürülüb) işilə əlaqədardır.
-
- Maliyyə
- 2 İyul 2024 12:59
Siyasət
-
“Şərq-Qərb” və “Şimal-Cənub” nəqliyyat dəhlizləri üzrə qarşılıqlı fəaliyyət Azərbaycan ilə Şanxay Əməkdaşlıq Təşkilatına üzv dövlətlər arasında əməkdaşlığın vacib sahəsini təşkil edir. Bu barədə Azərbaycan prezidenti İlham Əliyev bu gün Astanada “ŞƏT plyus” formatında görüş zamanı bildirib.
-
2023-cü il oktyabrın 12-də İranda həbsdən qaçıb ağ bayraq qaldıraraq Azərbaycan Respublikasının dövlət sərhədini keçib təslim olan İran vətəndaşı, azərbaycanlı fəal Puya Purhemməti Azərbaycan dövlət hakimiyyəti orqanlarında məruz qaldığı qanunazidd hallarla bağlı iyulun 3-də Azərbaycan Baş Prokurorluğunda sorğu-sual edilib.
-
İyulun 3-də Bakı Apellyasiya Məhkəməsi “Kanal-13” İnternet- televiziyanın əməkdaşı Şamo Eminovun həbs müddətinin uzadılması barədə şikayəti təmin etməyib. Bu barədə Turan-a onun vəkili Elçin Sadıqov bildirib. Onun sözlərinə görə, Eminov prosesdə iştirak edib və məhkəmənin qərarına etiraz edib.
-
Müsavat Partiyası sentyabrın 1-də Milli Məclisə keçiriləcək növbədənkənar seçkilərdə iştirak edəcək. Bu qərar Partiya Məclisinin bugünkü ilcasında qərara alınıb. Partiyanın seçki qərargahı yaradılıb, qəragaha Məclis sədri Arif Hacılı rəhbərlik edəcək.
Rəy yaz