Bakı/17.08.18/Turan: Böyük Britaniyanın Xarici işlər və Birlik işləri Nazirliyi Azərbaycanda ReAl partiyasının lideri İlqar Məmmədovun beş illik həbs cəzasından sonra azad edilməsini alqışlayıb.
"Avqustun 13-də İlqar Məmmədovun azad edilməsi irəliyə doğru müsbət addımdır. Amma biz İlqar Məmmədovun azad edilməsinin bəzi şərtlərlə müşaiyət olunmasından narahatıq", deyə Böyük Britaniya XİN-in rəsmi nümayəndəsi bildirib.
Forin-ofis Azərbaycanı Avropa İnsan Hüquqları Məhkəməsinin Məmmədovun qeyd-şərtsiz azad edilməsi haqqında qərarının tələblərinə riayət etməyə çağırıb. Avropa Şurası da dəfələrlə bunu xahiş edib.
BB XİN də çiçəklənən, dözümlü və demokratik cəmiyyət yaradılması üçün həyati əhəmiyyət daşıyan Azərbaycanın müasirləşdirilməsi üzrə addımlara çağırıb. "Buraya insan hüquqları ilə bağlı digər məsələlər üzrə müsbət tədbirlərin görülməsi daxildir. Biz beynəlxalq öhdəliklərinin yerinə yetirilməsində Azərbaycanı dəstəkləməyə davam edəcəyik", deyə Böyük Britaniya XİN nümayəndəsi bildirib. -06D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz