Fransa hökuməti Novruz bayramı ərəfəsində Azərbaycanda 148 məhkumun (jurnalistlər, siyasi fəallar və QHT üzvləri daxil olmaqla) əfv edilməsini alqışlayıb.
“Ümid edirik ki, bu jest öz siyasi fəaliyyətinə görə həbsdə olan və ya şərti cəza alan digər şəxslərin də azadlığa buraxılması ilə müşayiət olunacaq və bu, qanunçuluğun möhkəmləndirilməsi istiqamətində ümumi hərəkata xidmət edəcək”, - Fransanın Bakıdakı səfirliyindən Turan-a daxil olan məlumatda deyilir.
Xatırladaq ki, martın 17-də Azərbaycan prezidenti 148 məhkumu, o cümlədən 14 siyasi məhbusu əfv edib. Digər siyasi məhbus, jurnalist Rauf Mirqədirov Apellyasiya Məhkəməsinin qərarı ilə azadlığa buraxılıb. Onun real cəzaçəkmə müddəti şərti cəza ilə əvəzlənib.—06D-
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz