Fransa Senatı hökumətə Dağlıq Qarabağı tanımağı tövsiyə etdi

Bakı/25.11.20/Turan:  Fransa Senatı Dağlıq Qarabağın tanınması barədə 25 Noyabr axşamı qərar qəbul edib. RİA Novosti xəbər verir ki, 305 deputat  sənədin lehinə, 1 nəfər əleyhinə səs verib.

Qətnamə məruzəçisi, senator Bruno Retayonun qeyd edib ki, “Dağlıq Qarabağda baş verənlər fransızlara da aiddir, çünki Türkiyə buna qarışır”.

Ərdoğan “ekspansionist, neo-Osmanlı və islamçı siyasət yürüdür”, bu, Fransanın maraqlarına zidd olan dünya təhlükəsizliyi üçün bir təhdiddir.

Qeyd edək ki, sənəddə "Türkiyə hakimiyyəti və xarici muzdluların dəstəyi ilə həyata keçirilmiş Azərbaycanın hərbi təcavüzü” və eyni zamanda” Azərbaycan silahlı qüvvələrinin və onların dəstəkləyici birləşmələrinin 27 sentyabrda döyüş əməliyyatları başladıqdan sonra işğal olunmuş ərazilərdən dərhal geri çəkilməsi tələb olunur" pislənilir.

Fransa hökumətindən Qarabağ əhalisinə geniş miqyaslı dəstək verilməsi, habelə Dağlıq Qarabağda mülki əhaliyə qarşı “müharibə cinayətlərinin araşdırılmas”ı üçün beynəlxalq komissiya təşəbbüsü tələb olunur.

Nəhayət, sənəd Fransa hökumətini "1994-cü ildə müəyyən edilmiş sərhədləri təmin etməklə" danışıqlar prosesini bərpa etmək, eləcə də erməni əhalisinin təhlükəsizliyini və köçkünlərin qayıtmaq hüququnu təmin etmək üçün hər cür səy göstərməyə çağırır. -02B-