![Fransa terror aktlarının qurbanlarını yada salır](https://turan.az/resized/media/2020/main/031100024659-750-500-resize.webp)
Fransa terror aktlarının qurbanlarını yada salır
Bakı/11.03.20/Turan: Terror aktları öz dünyagörüşünün zorla başqalarına qəbul etdirilməsinə yönəlib, bəzən bunun arxasında bəzi qüvvələrin siyasi və ya kriminal maraqları dayanır. Bu barədə Fransanın Azərbaycandakı səfiri Zakariya Qross terror qurbanlarının anım gününə həsr olunmuş tədbirdə bildirib.
Fransa prezidenti Emmanuel Makronun qərarı ilə 11 Mart terror qurbanları ilə bağlı matəm günü elan edilib və Fransanın bütün səfirliklərində qeyd olunur.
Səfir xatırladıb ki, bu gün Fransa Əlcəzairlə müharibə zamanı ultra sağçıların terror aktlarının qurbanlarını, Əlcəzair Xalq Azadlıq Hərəkatından olan separatçıların hücumlarını, 1970-ci illərdə sol qüvvələrin hücumlarını, Korsikanın müstəqilliyinin tərəfdarlarının hücumlarını, 1980-90-cı illərdə iranlıların hücumlarını, Fələstin, Əlcəzair İslam Qurtuluş Cəbhəsi tərəfdarlarının antisemit hücumlarını, 2012-ci ildə Tuluzada radikalların hücumlarını, 2015-2016-cı illərdə Paris və Tulonda İŞİD hücumlarını, həmçinin digər terror aktlarının qurbanlarını yada salır.
“Terror aktları Fransanın respublika quruluşuna, demokratiyaya, hüquqi dövlətə, dialoq və ədalətə qarşı törədilib. Biz öz azadlığımızı, tolerantlıq iradəsini dəyərləndirməliyik”, - səfir deyib.
Tədbirdə çıxış edən Dini Qurumlarla İş üzrə Dövlət Komitəsi sədrinin müavini Siyavuş Heydərov qeyd edib ki, Azərbaycan da terrordan əziyyət çəkib və dəfələrlə erməni təşkilatlarının təşkil etdiyi terror hücumlarının qurbanı olub.
“Terror qurbanlarını irqindən, millətindən, dinindən asılı olmayaraq xatırlamaq vacibdir. Biz Fransa xalqının kədərini bölüşürük”, - o deyib.–71B-
-
- Siyasət
- 11 Mart 2020 14:09
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz