![Açiq mənbələrdən foto.](https://turan.az/resized/media/2021/main/060100033625-750-500-resize.webp)
Açiq mənbələrdən foto.
Fransa və Almaniya səfirlikləri gender bərabərliyi üzrə müsabiqənin qalibini elan edib
Bakı/01.06.21/Turan: Mayın 31-də Fransa və Almaniyanın Azərbaycandakı səfirlikləri “Azərbaycanda gender bərabərliyi üzrə fransız-alman mükafatı” müsabiqəsinin qalibini elan edib.
“Landmark” Biznes Mərkəzində keçirilən mərasimdə Fransa səfiri Zakari Qross və Almaniya səfirinin müavini Andrea Mariya Sühl iştirak ediblər.
Fransa səfiri gender bərabərliyi uğrunda və ailədaxili şiddətə qarşı mübarizənin əhəmiyyətini qeyd edib.
Almaniya səfirinin müavini cəmiyyətdə qadınlar üçün bərabər imkanlar yaradılmasının vacibliyini vurğulayıb. Onlar əmək bazarında da, ailədə də bərabər hüquqlara malik olmalıdırlar. Ümumiyyətlə qadının cəmiyyətdəki rolu gücləndirilməlidir.
Qeyri-hökumət təşkilatının rəhbəri Günel Ağabəyli innovasiyalar sektorunda qadınlara dəstək layihəsinə görə müsabiqənin qalibi elan edilib.
O, iyulda Science-Po Paris yay məktəbində insan hüquqları üzrə treninqdə iştirak edəcək, həmçinin Almaniya şirkətlərindən birində staj keçəcək (pandemiya ilə əlaqədar vəziyyətdən asılı olaraq tarixlər dəyişə bilər).
Müsabiqədə iştirak üçün beş layihə seçilmişdi. Münsiflər heyəti onlar arasından qalibi seçib.
Müsabiqənin digər dörd iştirakçısına – qadın qeyri-hökumət təşkilatlarının liderlərinə Fuad Əbdürrəhmanovun “Azad qadın” heykəlini əksə etdirən fəxri heykəlciklər təqdim edilib. -16D-
-
- Cəmiyyət
- 1 İyun 2021 11:14
-
- Bazarların icmalı
- 1 İyun 2021 12:11
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz