Fransanın vasitəçiliyi artıq mümkün deyil - İlham Əliyev

Bakı/14.10.22/Turan: ATƏT-in Minsk Qrupu vastiəçi rolunu itirmiş olsa da, Azərbaycan Praqada Fransa prezidenti Makronun iştirakı ilə dördtərəfli görüşə razılıq verib. Amma təxminən bir həftə sonra Fransa prezidenti Azərbaycanın ünvanına təhqiredici, qəbuledilməz, yalan və təxribat xarakterli bəyanatlarla çıxış edib. Bu barədə Azərbaycan prezidenti İlham Əliyev cümə günü Astanada MDB dövlət başçılarının sammitindəki çıxışında bildirib.

"O, Azərbaycanı dəhşətli müharibə törətməkdə günahlandırıb, bununla da faktları manipulyasiya edərək, Fransa və dünya ictimaiyyətini çaşdırmağa səy göstərib. Azərbaycan beynəlxalq səviyyədə tanınan öz ərazisində müharibə aparırdı. Qarabağ bütün dünya tərəfindən Azərbaycanın tərkib hissəsi kimi tanınıb. Biz özünümüdafiə hüququndan istifadə edərək, ərazi bütövlüyümüzü güc hesabına bərpa etdik", deyə Əliyev bildirib.

"Həmçinin Rusiya Federasiyasının ünvanına “Rusiya Azərbaycan oyununu oynadı” kimi qərəzli bəyanatlar səsləndirildi", deyə Əliyev sözünə davam edib.

"Biz isə öz tərəfimizdən belə bəyanatları qəti surətdə pisləyirik, rədd edirik və bundan sonra Fransa hökumətinin belə münasibəti çərçivəsində Azərbaycan-Ermənistan münasibətlərinin normallaşdırılması işində Fransanın hər hansı rol oynamasının heç bir mümkünlüyünü görmürük", deyə Əliyev qeyd edib.

Bundan başqa, Fransanın xarici işlər naziri də Azərbaycan əleyhinə yalan bəyanatlarla çıxış edib, Fransa Senatı və onların parlamentinin aşağı palatası isə İkinci Qarabağ müharibəsi zamanı Dağlıq Qarabağı "tanıyan" qətnamələr qəbul edib.

Əliyev Fransanın hazırki rəhbərliyinin, əvvəlkilərdən fərqli olaraq, mahiyyət etibarilə əvvəlki prezidentlərin fəaliyyətinin üstündən xətt çəkib.

O, həmçinin son bir ayda Azərbaycanın Parisdəki səfirliyinə iki dəfə hücum edilib. "Birinci hücumdan sonra Fransa Prezidenti telefonda mənə vəd verdi ki, bunun təkrarlanmaması məqsədilə tədbir görüləcək. Lakin bunun, yumşaq desək, doğru olmadığı ortaya çıxdı. Birinci vandalizm aktından və səfirliyin binasına soxulmaq cəhdindən sonra Azərbaycan səfirliyinin qarşısında qoyulmuş mühafizə götürüldü. Çox güman ki, bu, erməni tərəfi ilə razılaşdırılıb. Mühafizə götürülən kimi ikinci basqın cəhdi oldu, təhqiramiz yazılar oldu, Azərbaycan səfirliyinə hücum edən özündən çıxmış radikalların izdihamı oldu. Bu, qətiyyən yolverilməzdir", deyə Əliyev qeyd edib. 06D