Freedom House hüquq-müdafiə təşkilatı Leyla Yunusun vəkilinin onun müdafiəsi prosesindən kənarlaşdırılması ilə bağlı bəyanatla çıxış edib.
“Hüquq müdafiəçilərini ciddi dövləti cinayətlərdə ittiham edən Azərbaycan hakimiyyəti qanunun aliliyinə hörmətsizlik nümayiş etdirir və müstəqil vətəndaş cəmiyyətini qorxutmağa çalışır”, - təşkilatın rəhbəri Devid Kramer bildirib.
“Leyla Yunusa və digər hüquq müdafiəçilərinə qarşı ağır və əsassız ittihamlar irəli sürərək onları uzun müddətə həbs edən Azərbaycan hakimiyyəti L.Yunusu vəkilin köməyillə müdafiə olunmaq imkanlarından məhrum etməklə öz vətəndaşlarından qorxduğunu göstərir”, - o vurğulayıb.
Freedom House ölkə hakimiyyətini L.Yunusun və digər hüquq müdafiəçilərinin üzərindən bütün ittihamları götürməyə, onun hüquqlarını bərpa etməyə çağırır.
* Xatırladaq ki, son günlər prokurorluq L.Yunusu vəkillər Cavad Cavadov və Xalid Bağırovun müdafiəsindən kənarlaşdırıb. Vəkil Əlayif Həsənovu da bu aqibət gözləyə bilər.-16D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz