![Freedom House: Azərbaycanda vəziyyət pisləşməkdə davam edir](https://turan.az/resized/media/2015/main/062300120668-750-500-resize.webp)
Freedom House: Azərbaycanda vəziyyət pisləşməkdə davam edir
Freedom House hüquq-müdafiə təşkilatı “Keçid dövrü ölkələri – 2015” adlı illik hesabatını dərc edib. Sənəddə Mərkəzi Avropadan başlamış Mərkəzi Asiyaya qədər müxtəlif regionlarda 29 dövlətdə vəziyyət təhlil edilir. “Amerikanın səsi” bildirib.
Freedom House hər ölkədə vəziyyəti yeddi əsas göstərici (elektoral prosesin durumu, vətəndaş cəmiyyətinin vəziyyəti, media müstəqilliyinin dərəcəsi, korrupsiyanın səviyəsi, idarəetmənin keyfiyyəti və s.) üzrə qiymətləndirir. Qiymətləndirmə 7 ballıq şkala üzrə aparılır və 7 bal ən pis göstərici sayılır.
Hesabata görə, Estoniyanın reytinqi 1,96 bal, Latviya 2,07, Litva 2,36, Gürcüstan 4,64 (yerli idarəetmə sahəsində müəyyən irəliləyiş var), Ukrayna 4,75 (dörd sahədə yaxşılaşma qeydə alınıb), Moldova 4,86, Ermənistan 5,36, Qırğızıstan 5,93 (vətəndaş cəmiyyətinin vəziyyəti pisləşib), Tacikistan
6,39 (iki sahədə tənəzzül, Rusiya 6,46 (dörd sahədə mənfi proseslər baş verib), Qazaxıstan 6,61, Belarus 6,71, Azərbaycan 6,75 (vətəndaş cəmiyyətində və məhkəmə sahəsində vəziyyət pisləşib), Türkmənistan və Özbəkistan hər biri 6,93 bal təşkil edib.
Sənəddə qeyd olunur ki, “demokratik islahatları sözdə dəstəkləyən avtoritar liderlər öz repressiya taktikalarını sistemləşdiriblər və inklyuziv siyasətin aparılmasından əsasən imtina ediblər.-02D-
-
- Cəmiyyət
- 23 İyun 2015 12:54
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz