Özlərini anarxist adlandıran 10-12 nəfər gənc Azadlıq prospektində “Dostluq” kinoteatrının yaxınlığında etatist.com İnternet qəzetinin baş redaktoru Şəhriyar Məcidzadə və saytın 5 nəfər əməkdaşına bıçaqla hücum ediblər. Nəticədə saytın əməkdaşı Aqşin Vəliyev qolundan bıçaq yarası alıb. O, xəstəxanada tibbi yardım aldıqdan sonra buraxılıb. Bu barədə Turan-a etatist.com saytının redaktoru Kamran Həsənli bildirib.
Onun sözlərinə görə, hadisə ilə bağlı Nəsimi Rayon Polis İdarəsinin 21-ci polis bölməsində araşdırma aparılır.
K.Həsənlinin dediklərinə görə, saytın əməkdaşlarına hücum çəkənlər anarxist qrupun təmsilçiləridir.
“Biz sağ-mərkəzçiyik, dövlətçiliyi müdafiə edirik. Onlar isə solçudurlar, anarxist qrupa aiddirlər. Bundan öncə də bizim tədbirlərə gəlib, toplantılarımızı pozmağa çalışırdılar. Hücum edənlərdən biri Türkiyədə təhsil alan azərbaycanlı, anarxist qruplarda Əliş adı ilə tanınan şəxsdir. Onların bəziləri PKK-nı müdafiə edirlər, dövlətçililiyə qarşıdırlar”, - redaktor qeyd edib. -03B-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz