Freedom House beynəlxalq hüquq müdafiə təşkilatı Meydan TV ilə əməkdaşlıq edən iki azərbaycanlı jurnalistin – Aynur Elgünəş və Sevinc Osmanqızının hədələnməsi ilə bağlı bəyanat yayıb.
“Azərbaycan hökuməti müstəqil mətbuatı təqib etməyə davam edir, jurnalistlərə qarşı hücumlar araşdırılmır, heç kim məsuliyyətə cəlb olunmur, bu da cəzasızlıq mühiti yaradır”, deyə təşkilatın vitse-prezidenti Robert Hermann bildirib.
Sevinc Osmanqızı və Aynur Elgünəşin hədələnməsi hökumət tərəfindən açıq-aşkar pislənməlidir, buna görə məsul olanlar isə cəzalandırılmalıdır, deyə sənəddə bildirilir.
Jurnalistlərə qarşı təzyiqə onların hakimiyyətin təqibi ilə əlaqədar Bakı ofisini hələ 2014-cü ilin mayında bağlamaq məcburiyyətində qalan Meydan TV ilə əməkdaşlığı səbəb olub. Bundan sonra hakimiyyət cinayət işi açıb və bu internet-tv ilə əməkdaşlıq edən jurnalistlərin ölkədən çıxışını qadağan edib, deyə sənəddə qeyd edilir.
Azərbaycan hökuməti Freedom House-un bəyanatını qərəzli adlandırır. -16D-
Siyasət
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
Rəy yaz