Freedom House: Fikrət Hüseynlini dərhal azad edin
Bakı/18.10.17/Turan: Freedom House təşkilatı rəsmi Kiyevi Azərbaycan hökumətinin İnterpoldan "Qırmızı Vəsiqə" xahişi əsasında Ukraynada saxlanılmış Fikrət Hüseynlini dərhal azad etməyə çağırıb.
"İnterpola təqdim olunan order Azərbaycan hökumətinin kriminal fəaliyyətə qarşı mübarizəsini yox, jurnalistləri təqibini əks etdirir", deyə qurumun Avrasiya prorqramları direktoru Mark Behrendt bəyan edib. "Huseynliyə qarşı ittihamlar göstərir ki, Azərbaycan və başqa avtoritar hökumətlər İnterpol sistemindən öz siyasi opponentləri, jurnalistlər və başqa insan haqları fəallarına qarşı təqib məqsədilə sui-istifadə edirlər".
Hüseynliyə qarşı ittihamlar göstərir ki, Azərbaycan və başqa avtoritar hökumətlər İnterpol sistemindən öz siyasi opponentləri, jurnalistlər və başqa insan haqları fəallarına qarşı təqib məqsədilə sui-istifadə edirlər.
Behrendt əlavə edib ki, İnterpol beynəlxalq hüquq-mühafizə təşkilatı olaraq hər bir "Qırmızı Vəsiqə" xahişini təsdiq etməzdən öncə araşdırmalıdır.
Fikrət Hüseynli 2008-ci ildə Azərbaycandan mühacirət edib. Hollandiyada siyasi sığınacaq alan Hüseynli sonradan bu ölkənin vətəndaşı olub.
Freedom House-un 2017-ci il indeksinə əsasən azad olmayan ölkə kimi səciyyələndirilən Azərbaycandan fərqli olaraq Ukrayna 1-7 (yaxşı-pis) şkalasında 4.61 balla qismən azad ölkə sayılır.
Fikrət Hüseynli oktyabrın 14-də Ukraynadan Almaniyanın Düsseldorf şəhərinə yola çıxarkən Kiyevin Borispol hava limanında saxlanılıb. O, bir neçə gün Ukraynanın paytaxtında qaldıqdan sonra oktyabrın 17-də Borispol Şəhər Məhkəməsi jurnalist barəsində 18 günlük həbs-qətimkan tədbiri seçib.
Hüseynlinin Azərbaycan tərəfinin İnterpola verdiyi təqdimat əsasında saxlanıldığı deyilir. Azərbaycan tərəfinin jurnalisti Cinayət Məcəlləsinin 318-ci (Azərbaycan Respublikasının dövlət sərhədini qanunsuz olaraq keçmə) və 178-ci (Dələduzluq) maddələri ilə ittiham etdiyi bildirilir.
Jurnalistin özü isə ittihamları rədd edib. -03D-
-
- Cəmiyyət
- 18 Oktyabr 2017 10:28
-
- İqtisadiyyat
- 18 Oktyabr 2017 11:23
Siyasət
-
Rusiya prezidenti Vladimir Putin Rusiya hökuməti sədrinin keçmiş birinci müavini Andrey Belousovun müdafiə naziri vəzifəsinə təyin edilməsini təklif edib, Federasiya Şurasının mətbuat xidməti xəbər verir. Prezident həmçinin Sergey Şoyqunun Təhlükəsizlik Şurasının katibi təyin edilməsi haqqında sərəncam imzalayıb.
-
Şənbə günü Tbilisidə on minlərlə insan küçələrə çıxıb. Onlar hakimiyyətin qəbul etməyə çalışdığı “xarici agentlər haqqında” qanuna etiraz edirlər. Bütün gün davam edən nümayiş gecə saatlarına qədər davam edib.
-
Mayın 10-11-də Almatı şəhərində Azərbaycan və Ermənistanın xarici işlər nazirləri Ceyhun Bayramov və Ararat Mirzoyan arasında danışıqlar aparılıb.
-
Azərbaycan prezidenti İlham Əliyev müdafiə nazirinin müavini, Hərbi Hava Qüvvələrinin komandanı general-leytenant Ramiz Tahirovun hərbi xidmətdə olmağın son yaş həddi nəzərə alınmaqla ehtiyata buraxılması barədə sərəncam imzalayıb. Bu barədə bu gün Azərbaycan Müdafiə Nazirliyində keçirilən müşavirədə elan edilib.
Rəy yaz