Azərbaycanda jurnalist və hüquq müdafiəçisi İlqar Nəsibova qarşı qəddar hücuma cavab olaraq Freedom House bəyanat yayıb.
“İlqar Nəsibova qarşı dəhşətli fiziki zorakılıq Azərbaycanda insan hüquqları sahəsində sürətlə və radikal şəkildə pisləşən vəziyyətə son zərbədir”, deyə Freedom House rəhbəri Devid Kramer bildirib.
“Görünür, Azərbaycan hakimiyyəti həbslər, saxta ittihamlar və ya avqustun 21-də Nəsibovun məruz qaldığı kimi vəhşicəsinə döymə yolu ilə hüquq müdafiəçilərini və bütün tənqidçiləri təqib etməkdə qətiyyətlidir. Prezident İlham Əliyev beynəlxalq ictimaiyyətin diqqəti başqa bölgələr üzərində cəmləşmişkən hökumətin tənqidlərə məhəl qoymamasının ciddi nəticələrə gətirib çıxarmayacağını düşünürsə, çox yanılır.
O və hökuməti yaratdıqları təhlükəli və ədavətli mühitə görə məsuliyyət daşımalıdır”, deyə Kramer qeyd edib.
“ABŞ və Avropa İttifaqı bu dəhşətli əməllərə görə məsuliyyət daşıyan və onları həyata keçirən rəsmi şəxslərə qarşı sanksiyalar tətbiq etməlidir”, deyə Kramer vurğulayıb. -25D-
Siyasət
-
Azərbaycan prezidenti İlham Əliyev Somali dövlət başçısının Bakıya səfərinin iki ölkə arasında "sıx dostluq münasibətlərində yeni səhifə açacağına" əminliyini bildirib.
-
Rusiya Azərbaycan qazının Ukraynanın qaz-nəqliyyat sistemindən istifadə ilə Aİ-yə tədarükü mümkünlüyünü müzakirə etmir. Bu barədə çərşənbə axşamı jurnalistlərə Rusiya baş nazirinin müavini Aleksandr Novak bildirib. "Müzakirə olunmur", deyə o qeyd edib.
-
Fevralın 12-də Bakı Apellyasiya Məhkəməsi jurnalist Ramin Cəbrayılzadənin (Deko) ev dustaqlığına keçirilməsindən imtina ilə bağlı verilmiş şikayəti təmin etməyib, bu barədə onun vəkili Nemət Kərimli bildirib. Müdaifə tərəfi bu qərarı əsassız hesab edir, belə ki, Meydan TV-nin işi üzrə həbs edilmiş Deko barəsində istintaq hərəkətləri aparılmır.
-
"Azərbaycanda Siyasi Məhbusların Azadlığı Uğrunda" İttifaq 357 nəfərdən ibarət yenilənmiş siyasi məhbuslar siyahısını dərc edib. 12 dekabr 2024-cü il tarixli əvvəlki siyahı ilə müqayisədə siyasi məhbusların sayı 26 nəfər artıb.
Rəy yaz