Mətbuat-monitorinq 23.08.14

Rəsmi qəzetlər dövlət başçısı İlham Əliyevin ABŞ Nəqliyyat komandanı ilə görüşünü, Xüsusi Dövlət Mühafizə Xidməti hərbi qulluqçularının bir qrupunun orden və medallarla təltif olunmaları haqda sərəncamının mətnini ilk səhifədə yerləşdiriblər.

“Azərbaycan” qəzeti həbsdə olan hüquq müdafiəçisi Leyla Yunusu “vətənə xəyanət”də ittiham edən əsassız məqalə dərc edib.

“Azadlıq” qəzeti hüquq müdafiəçisi İlqar Nəsibvovun vəhşicəsinə döyülməsini manjetə çıxararaq, bunu “Naxçıvanda görünməmiş vəhşilik” adlandırır.

“Amnesty İnternational” təşkilatı “Azadlıq” qəzetinin əməkdaşı Natiq Ədilovun qardaşı Murad Ədilovun işgəncələrə məruz qalması haqda müraciət yayıb.

Ölkədə kənd təsərrüfatı mallarının bahalaşdığını yazan qəzet yaxın vaxtlarda ət və yumurtanın da bahalaşacağını bildirir.

Ölkə ekspertləri son həbslərlə bağlı qeyd edirlər ki, bu duruma görə Qərb Soçidəki kimi Azərbaycanda Avropa Olimpiya Oyunlarını boykot edə bilər.

“Coca-Cola” şirkəti rəhbərliyi Bakının bəzi mağazalarından məlum olmayan səbəbələrə görə məhsullarının çıxarıldığını təsdiqləyib.    

Qəzet Şəhidlər Xiyabanında 20 yanvar şəhidləri İlham və Fərizənin məzarlarının təhqir olunmasını “görünməmiş rəzalət” kimi dəyərləndirir.

Ukrayna prezidentinin oğlunun hərbi əməliyyatlara qatılması fonunda ekspertlər Azərbaycanda məmur övladlarının əsgərliyə belə getmədiklərini bildirirlər.

“Ekspress” qəzeti Şəhidlər Xiyabanında şəhid məzarlarının təhqir olunmasını ilk səhifəyə çəkərək, bunu “vandalizm” adlandırır.

ABŞ və Fransanın radikal erməni diasporunun təsiri altına düşdüyünü iddia edən Azərbaycan XİN bunu “qərəzli və anlaşılmaz həmsədrlik” kimi qiymətləndirir.        

Qərbin embarqosu ilə bağlı Rusiyanın tələbatını ödəməsi üçün Azərbaycan ərzaq bazarına üz tutmasına ekspertlər “Rusiyaya daha çox satdıqca xaricdən daha çox alacağıq, beləliklə, bahalaşma qaçılmaz olacaq” şərhi veriblər.

“Novoe Vremya” qəzeti Azərbaycan tərəfin iki əsir və bir meyitin qaytarılması müqabilində 5 nəfərlik erməni ailəsi və bir meyitin qaytarılması təklifini erməni tərəfin qəbul etmədiyini bildirir.

“Bizim yol” qəzeti paytaxtda əmlak sahibi olmaq üçün kiçik məmurlarla “separat danışıqlar”a getməyi ilk səhifədə yerləşdirib və bunu “paytaxtda torpaq alverinin müdhiş gizlinləri” kimi şərh edir.

Qəzet Naxçıvanda vəhşicəsinə döyülən hüquq müdafiəsi İlqar Nəsibovun durumunun ağır olduğunu nəzərə çatdırır.

    Ekspertlər ölkədə intihar hallarının artması məsələsini təhlil edərək, həyəcan təbili çalır və bu durumu “sosial partlayış” kimi dəyərləndirirlər.

“Yeni Müsavat” qəzeti Kremlin Qarabağda “böyük təxribat” hazırlaması haqda ABŞ səfiri Xafferinin Azərbaycan və Ermənistan dövlət başçılarına müraciətini önə çəkib və müraciətin bu təxribatı pozmağa yönəldiyi iddia edilir.

Qəzet hüquq müdafiəçisi İlqar Nəsibovun vəhşicəsinə döyülməsinə, basqınçılardan birinin tanınmasına baxmayaraq, cinayət işi açılmadığını yazır.

Ekspertlərə görə, Qərbin embaqrosu ilə Rusiya iqtisadi həyatında Azərbaycanla bağlı problem yaranıb, bu da Neft Fondunun buradakı aktivlərinin dəyərdən düşməsidir.