Naxçıvanda hüquq müdafiəçisi İlqar Nəsibova qarşı fiziki zorakılıq edənlərdən biri saxlanılıb. Onun adı Fərid Əsgərovdur.
Bu barədə Nəsibovun həyat yoldaşına Naxçıvan şəhər polis idarəsinin istintaq şöbəsinin rəisi Nemət Cəfərov bildirib.
Lakin Naxçıvanın hüquq-mühafizə orqanları və DİN mərkəzi aparatı bu rezonans doğurmuş cinayət barədə rəsmi məlumat vermir.
Kriminal məlumatlarında bu hadisə göstərilməyib, cinayət işi açılıb-açılmadığı aydın deyil.
Turan-ın DİN və Prokurorluqdan şərh almaq cəhdləri nəticə verməyib.
“Bu, Naxçıvandır, biz bu bölgənin işlərinə qarışmırıq”, Bakıdakı hüquq mühafizəçiləri şəxsi söhbətlərdə belə deyirlər.
* Avqustun 21-də axşam İ.Nəsibov Demokratiya və QHT İnkişafı Resurs Mərkəzinin ofisində bir qrup şəxs tərəfindən vəhşicəsinə döyülüb. İ.Nəsibov çoxsaylı kəllə-beyin travması və qırıqlarla Naxçıvan xəstəxanasının reanimasiya şöbəsinə yerləşdirilib. -06В-
Siyasət
-
Azərbaycan prezidenti İlham Əliyev Somali dövlət başçısının Bakıya səfərinin iki ölkə arasında "sıx dostluq münasibətlərində yeni səhifə açacağına" əminliyini bildirib.
-
Rusiya Azərbaycan qazının Ukraynanın qaz-nəqliyyat sistemindən istifadə ilə Aİ-yə tədarükü mümkünlüyünü müzakirə etmir. Bu barədə çərşənbə axşamı jurnalistlərə Rusiya baş nazirinin müavini Aleksandr Novak bildirib. "Müzakirə olunmur", deyə o qeyd edib.
-
Fevralın 12-də Bakı Apellyasiya Məhkəməsi jurnalist Ramin Cəbrayılzadənin (Deko) ev dustaqlığına keçirilməsindən imtina ilə bağlı verilmiş şikayəti təmin etməyib, bu barədə onun vəkili Nemət Kərimli bildirib. Müdaifə tərəfi bu qərarı əsassız hesab edir, belə ki, Meydan TV-nin işi üzrə həbs edilmiş Deko barəsində istintaq hərəkətləri aparılmır.
-
"Azərbaycanda Siyasi Məhbusların Azadlığı Uğrunda" İttifaq 357 nəfərdən ibarət yenilənmiş siyasi məhbuslar siyahısını dərc edib. 12 dekabr 2024-cü il tarixli əvvəlki siyahı ilə müqayisədə siyasi məhbusların sayı 26 nəfər artıb.
Rəy yaz