Ağır Cinayətlərə dair İşlər üzrə Məhkəmədə fevralın 14-nə hüquq müdafiəçisi Bəxtiyar Məmmədovun işi üzrə prosesdə müdafiə tərəfin çıxışı təyin edilib. Məmmədov Azərbaycan CM-in 182.3 (güc tətbiq etməklə pul tələb etmək) və 178.1-ci (fırıldaqçılıq) maddələri ilə ittiham olunur.
Bir müddət əvvəl prokuror Məmmədovun 12 il müddətinə azadlıqdan məhrum edilməsini istəmişdi.
Lakin yerli və beynəlxalq hüquq-müdafiə təşkilatları Məmmədovun Bakıda “Eurovision” müsabiqəsi ərəfəsində Bayraq Meydanı ətrafında evləri sökülən vətəndaşların mülkiyyət hüquqlarını müdafiə etdiyinə görə təqib olunur.
Bu gün Front Line Defenders beynəlxalq hüquq-müdafiə təşkilatı Məmmədovun müdafiəsinə qalxıb. Təşkilatın bəyanatında qeyd edilir ki, 2011-ci ilin avqust ayında Bayraq Meydanı ətrafındakı evlərin sakinləri Bəxtiyar Məmmədov məhkəmədə onların hüquqlarının müdafiəsi haqqında müqavilə imzalayıb. Bundan sonra Məmmədov HDQ komandanı Şahin Sultanovdan pul tələb etməkdə ittiham olunub.
Nəticədə, Bəxtiyar Məmmədova qarşı AR CM-in 182.3 və 178.1-ci maddələri ilə cinayət işi açılıb.
Hüquq müdafiəçisi ittihamları təkzib edir. Üç ay davam edən ibtidai istintaq zamanı pul tələb edilməsi haqqında heç bir dəlil tapılmayıb, lakin işə xitam verilməyib.
Bundan sonra Bəxtiyar Məmmədova qarşı artıq fırıldaqçılıq ittihamı ilə cinayət işi açılıb.
Əvvəlcə Sultanov Bəxtiyar Hacıyevi tanımadığını və ona qarşı üçücü şəxslərdən aldığı məlumat əsasında iddia qaldırdığını bildirib.
5 noyabr 2012-ci ildə Şahin Sultanov bir neçə polis zabitinin müşaiyəti ilə məhkəməyə gəlib ki, bunu da məhkəməyə təzyiq göstərmək cəhdi kimi qiymətləndirmək olar.
7 fevral 2013-cü ildə son dinləmədə ittiham tərəfi Məmmədovun 12 il müddətinə həbs edilməsini istəyib.
Front Line Defenders hesab edir ki, Bəxtiyar Məmmədova qarşı cinayət işi birbaşa onun qanuni və dinc hüquq müdafiə fəaliyyəti ilə bağlıdır. Front Line Defenders həmçinin təhqiqat zamanı yol verilən ciddi pozuntulardan, habelə prosesin ədalətli mühakimə standartlarına uyğun olmadığından narahatdır. -06D-
Siyasət
-
Cümə günü, fevralın 7-də Aktauda 25 dekabr 2024-cü il tarixində Azerbaijan Airlines-ın (AZAL) təyyarə qəzasında həlak olanların xatirəsinə həsr olunmuş anım mərasimi keçirilib, xəbəri Tengrinews.kz yayıb.
-
Fevralın 7-də Bakı Apellyasiya Məhkəməsində ictimai fəal Cəlal Cavadovun inzibati qaydada həbsindən verilmiş şikayətə baxılıb.
-
Fevralın 7-də Bakı Məhkəmə Kompleksində Qarabağ separatmılarının liderlərinin işi üzrə proses dava etdirilib. İclasda ittiham aktının oxunması davam etdirilib.
-
Cümə günü ABŞ prezidenti Donald Tramp iki ölkə arasında "mənasız" müharibəyə son qoymaq üçün gələn həftə Ukrayna prezidenti Vladimir Zelenski ilə görüşə biləcəyini və Rusiya prezidenti ilə söhbət edə biləcəyini bildirib, xəbəri Turan-ın Vaşinqtondakı müxbiri verib.
Rəy yaz