Fuad Ağayev: “KİV-ə foto-videoların təqdim edilməsinə qadağa Konstitusiyaya və elementar məntiqə ziddir”

Milli Məclisin müzakirəsinə çıxarılan İnzibati Xətalar Məcəlləsinə təklif olunan dəyişikliklər Azərbaycan Konstitusiyasına ziddir. Bu barədə Turan agentliyinə tanınmış vəkil Fuad Ağayev inzibati xəta haqqında iş üzrə icraat zamanı aparılmış foto və ya video çəkiliş, yaxud səsyazma materiallarını barəsində inzibati icraat aparılan şəxsin və zərərçəkmiş şəxsin razılığı olmadan media subyektinə təqdim edənlərin cərimələnəcəyilə barədə düzəlişi şərh edərkən deyib. Buna görə vəzifəli şəxslər üçün 1000 manatdan 1500 manata qədər cərimə nəzərdə tutulub.

Fuad Ağayevin sözlərinə görə, inzibati xətalar ictimai hadisələrə aiddir. Bu, şəxsi həyat deyil, odur ki, təklif olunan qadağa söz azaldığına, məlumat almaq və yaymaq azadlığına ziddir.

Qanunda hər şey dəqiq müəyyənləşdirilməlidir. İndiki halda bu, yoxdur və bunun məhz hansı hadisə və ya prosesə aid olduğu aydın deyil. İnzibati xətalara dair bütün məhkəmələr açıqdır və jurnalistlər orada işləyirlər. Deməli, indi onlar prosesin audioyazısını apara bilməyəcəklər. Və ya bir avtomobil qəzası baş veribsə və polis əməkdaşları yerə gələrək araşdırmaya başlayıblarsa, bu, hüquq pozuntusu üzrə “icraat” hesab edilə bilər. Deməli, jurnalistlərin baş verənləri işıqlandırmaq və ya şahidlərin çəkdikləri foto-videolardan istifadə etmək hüququ yoxdur? Avtomobil qəzasının günahkarı və ya küçədəki xuliqan öz günahının təsdiqlənməsinə razılaşacaqmı? Əlbəttə, yox, Ağayev qeyd edib.

Ümumilikdə, "inzibati xəta haqqında iş üzrə icraat" anlayışı altında hər iş aparmaq olar. Odur ki, bu məhdudiyyət müxtəlif sui-istifadələrə səbəb olacaq,  qəbul edilən  qərarların şəffaflığına və obyektivliyinə xidmət etməyəcək.

Bundan əlavə, bu məhdudiyyət KİV-in işini xeyli çətinləşdirəcək, hüquqşünas qeyd edib.