GAMOH lideri Azərbaycan hökumətini İranda yaşayan azərbaycanlıların hüquqlarını müdafiə etməyə çağırıb
Hazırda ABŞ-da Vaşinqtonun yaxınlığında yaşayan Güney Azərbaycan Milli Oyanış Hərəkatının (GAMOH) lideri Mahmudəli Çöhrəqanlı “Amerikanın səsi” radiosuna video müsahibəsində İranda yaşayan azərbaycanlıların hazırki durumu, Urmu gölü problemi, Türkiyə və Azərbaycana buraxılmaması barədə suallara cavab verib.
Qarşıdakı həftələrdə Azərbaycana gəlməyi planlaşdırdığını dilə gətirən GAMOH lideri bildirib ki, Azərbaycan prezidenti İlham Əliyev İranda yaşayan azərbaycanlılarla bağlı daha aktiv siyasət yürütməlidir.
Onun sözlərinə görə, Türkiyənin baş naziri Rəcəb Tayyip Ərdoğan CHP hökumətini azərbaycanlıları SSRİ əsgərlərinə öldürtməkdə ittiham edib. “Buna baxmayaraq, hazırki Türkiyə hökuməti GAMOH liderinə qarşı eyni addımı atmaq planında olub” - o bildirib.
M.Çöhrəqanlı ABŞ konqresmeni Dana Rohrabaherin İranda yaşayan azərbaycanlıların öz müqəddəratını həlletmə hüququnu xatırlatmasını yüksək qiymətləndirib.
Avqustda Əhər və Vərziqanda baş vermiş təbii fəlakətdən də söhbət açan GAMOH lideri İran rəsmilərinin nə özlərinin zərərçəkənlərə kömək etdiklərini, nə də digər azərbaycanlıların yardımlarını onlara çatdırdığını bildirib. -03D-
Siyasət
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
-
Rəqəmsal İnkişaf və Nəqliyyat Nazirliyi “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Aktau hava limanı yaxınlığında qəzaya uğraması ilə bağlı Beynəlxalq Mülki Aviasiya Təşkilatının (BMAT) 1944-cü il Beynəlxalq Mülki Aviasiya haqqında Çikaqo Konvensiyasının 13 saylı Əlavəsinin tələblərinə uyğun aparılan araşdırmanın ilkin hesabatı barədə məlumat yayıb.
-
Qazaxıstan Respublikasının Nəqliyyat Nazirliyi 25 dekabr 2024-cü il tarixində Aktau yaxınlığında baş vermiş Azərbaycan Hava Yollarına məxsus Embraer-190 təyyarəsinin qəzaya uğraması ilə bağlı ilkin araşdırma hesabatını dərc edib. Hesabat nazirliyin rəsmi saytında açıq şəkildə yayımlanıb.
-
Brüsselin boz, geniş səmaları altında bu ay Avropa Komissiyasında idarəetmə təşəbbüsünün bir işarəsi həyata keçirildi, Avropa İttifaqının diplomatik əlaqələrində yenilənmiş bir canlanma elan etdi. Yeni qurulan Genişlənmə və Şərq Qonşuluğu üzrə Baş Direktorat (DG ENEST) 1 Fevralda debüt etdi, İttifaqın şərq qonşuları və potensial yeni üzvlərlə qarşılıqlı əlaqələrini yenidən tənzimləmək üçün yeni bir kurs müəyyən etdi.
Rəy yaz