![Açiq mənbələrdən foto.](https://turan.az/resized/media/2023/main/062100063626-750-500-resize.webp)
Açiq mənbələrdən foto.
Gədbəydə sakinlərin şikayətini araşdımaq üçün komissiya yaradılıb
Bakı/21.06.23/Turan: Gədəbəy rayonunun Söyüdlü kəndində tullantıxana sahəsində monitorinqlərin aparılması və mövcud vəziyyətin qiymətləndirilməsi məqsədilə Baş nazir Əli Əsədovun sərəncamı ilə komissiya yaradılıb.
Nazirlər Kabinetinin mətbuat xidmətinin məlumatına görə, ekologiya və təbii sərvətlər naziri Muxtar Babayev komissiyanın sədri təyin edilib.
Komissiyanın tərkibinə səhiyyə nazirinin müavini, fövqəladə hallar nazirinin müavini, kənd təsərrüfatı nazirinin müavini, Nazirlər Kabineti Aparatının Sənaye və energetika şöbəsinin müdiri, İqtisadiyyat Nazirliyi yanında Əmlak Məsələləri Dövlət Xidmətinin rəisi və Gədəbəy Rayon İcra Hakimiyyətinin başçısı daxildir.
Komissiyaya tapşırılıb ki, Gədəbəy rayonunun Söyüdlü kəndində tullantıxana sahəsində monitorinqlər aparılsın və mövcud vəziyyət qiymətləndirilsin, sakinlərin sağlamlığının və ətraf mühitin qorunması sahəsində vətəndaşların müraciətlərinin araşdırılması təmin edilsin.
Ötən gün polis əməkdaşları Gədəbəy rayonunun Söyüdlü kənd sakinlərinin etiraz aksiyasını dağıtmaq üçün xüsusi vasitələrdən istifadə ediblər. Kənd sakinləri Gədəbəy yatağında filiz qızılının çıxarılması və emalı müəssisəsinin tullantı suları üçün süni su anbarının yaradılmasına etiraz ediblər. Yerli sakinlərin sözlərinə görə, qarşıdurma zamanı 10-a yaxın insan xəsarət alıb. Beş etirazçı inzibati qaydada həbs edilib, digər etirazçı isə cərimələnib. –03D-
Siyasət
-
Ermənistan Azərbaycanın sülh müqaviləsi layihəsi ilə bağlı son təkliflərinə cavab verib. Bunu iyulun 25-də Ermənistan Xarici İşlər Nazirliyinin mətbuat katibi Ani Badalyan bildirib.
-
İyulun 25-də Azərbaycanın iqtisadiyyat naziri İsrail Xarici İşlər Nazirliyinin baş katibi Yakob Blitşteyni qəbul edib.
-
İyulun 25-də Bakı Ağır Cinayətlər Məhkəməsində narkotik ittihamı ilə həbs edilən fəal İlhamiz Quliyevin cinayət işi üzrə məhkəmə prosesi davam etdirilib.
-
İyulun 25-də Ermənistan Təhlükəsizlik Şurasının katibi Armen Qriqoryan ABŞ Dövlət Departamentinin Cənubi Qafqaz məsələləri üzrə baş müşaviri Lui Bononu qəbul edib.
Rəy yaz