![Gənc fəal İlkin Rüstəmzadə 2 ay müddətinə həbs edilib](https://turan.az/resized/750/500/resize/media/2013/main/051700036571.jpg)
Gənc fəal İlkin Rüstəmzadə 2 ay müddətinə həbs edilib
Nəsimi rayon məhkəməsi bu gün “Azad gənclik” hərəkatının fəalı İlkin Rüstəmzadə barəsində 2 ay müddətinə həbs qətimkan tədbiri seçib.
Gənc CM-in 221.2.1 (qrup tərkibində xuliqanlıq), 221.2.2-ci (xuliqanlıq, hakimiyyət nümayəndəsinə müqavimət göstərməklə törədildikdə) maddələri ilə ittiham olunur.
Fəal Harlem-shake flash-mobu təşkil etməkdə (gənclər Nyu-Yorkun Harlem məhəlləsinin sakinləri üslubunda rəqs edir) və bu aksiya haqda videosüjetin sosial şəbəkələrdə videosüjet yerləşdirməkdə ittiham olunur. (https://www.youtube.com/watch?v=SFb7DJAv138).
Rüstəmzadənin vəkili Nemət Kərimli ittihamları absurd adlandırıb.
Vəkilin sözlərinə görə, Rüstəmzadənin nə aksiyanın təşkili, nə videonun çəkilişi, nə də İnternetdə yerləşdirilməsi ilə heç bir əlaqəsi yoxdur.
Fəal bunu etsəydi belə, bu aksiyada heç bir kriminal olmazdı, deyə vəkil bildirib. Qeyd edilən maddələrə görə fəalı 5 ilədək həbs cəzası gözləyir.
İlkin Rüstəmzadə sosial şəbəkələrin fəal istifadəçisidir və əvvəllər facebook vasitəsilə etiraz aksiyaları təşkil edən qruplarda iştirak edib. Bu aksiyalarda iştiraka görə dəfələrlə inzibati həbsə məruz qalıb. -16B06-
-
- Siyasət
- 17 May 2013 15:20
-
- İqtisadiyyat
- 17 May 2013 16:29
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz