Avropa Şurası baş katibinin xüsusi nümayəndəsi, Siyasi Direktorluğun rəhbəri Aleksandr Gessel Azərbaycana səfəri çərçivəsində vətəndaş cəmiyyətinin nümayəndələri ilə də görüşüb.
Görüş iştirakçılarından biri, ReAl hərəkatının icraçı katibi Natiq Cəfərlinin Turan-a verdiyi məlumata görə, görüş 3,5 saata yaxın davam edib.
Azərbaycan vətəndaş cəmiyyətini narahat edən məsələlər, o cümlədən siyasi məhbuslar məsələsi müzakirə olunub.
Cəfərlinin sözlərinə görə, Gessel mövcud problemlər haqqında yaxşı məlumatlı olduğunu və onları həll etmək istəyi nümayiş etdirib.
Gessel qeyd edib ki, Avropa İnsan Hüquqları Məhkəməsinin qərarı nəzərə alınmaqla, ReAl lideri İlqar Məmmədovun işi Avropa Şurasının diqqət mərkəzindədir.
Gesselin sözlərinə görə, Məmmədovun azad edilməsi digər problemlərin həlli üçün təkan olardı.
Görüşdə həmçinin hüquq müdafiəçiləri Novella Cəfəroğlu, Arzu Abdullayeva, Səadət Bənənyarlı, Səidə Qocamanlı, Eldar Zeynalov, NİDA fəalı Turqut Qəmbər və başqaları iştirak ediblər. -06D-
Siyasət
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
-
Yanvarın 15-də Tbilisi Apellyasiya Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması ilə bağlı Tbilisi Şəhər Məhkəməsinin qərarından şikayətə baxacaq.
-
25 dekabrda Qazaxıstanda qəzaya uğramış Azərbaycanın Embraer təyyarəsinin qara qutuları hazırda Brasiliyada beynəlxalq bir təşəbbüs çərçivəsində təhlil olunur ki, bu da 38 nəfərin həyatına son qoyan qəzanın səbəbini müəyyən etmək məqsədi daşıyır, bu barədə O Globo 2 yanvarda xəbər verib. Braziliya Hərbi Hava Qüvvələri davam edən araşdırmanın, Braziliya tədqiqatçılarından üçü də daxil olmaqla həmçinin Azərbaycan və Rusiya nümayəndələrinin də iştirak etdiyi bu araşdırmanın hələ də müəyyən bir bitmə tarixi olmadığını elan etmişdir, lakin hakimiyyətlər tez nəticələrə ümid edirlər.
-
Dekabrın 25-də Qroznı yaxınlığında AZAL təyyarəsinin qəzaya uğraması ilə bağlı istintaq qismən məxfiləşdirilib. Bu barədə şənbə günü VChK OGPU teleqram kanalı məlumat yayıb.
Rəy yaz