Ötən gün Göyçayda “Demokratiyanın Müdafiəsinə Kömək” qeyri-hökumət təşkilatının rəhbəri, keçmiş “vicdan məhbusu” Vidadi İsgəndərli həbs olunub. O, noyabrın 30-da yerli parkda saxlanılıb. Həmin gün Göyçay Rayon Məhkəməsi onu 15 sutka həbs edib. V.İsgəndərli İnzibati Xətalar Məcəlləsinin 310.1-ci maddəsi (polisə tabe olmama) ilə təqsirli bilinir.
Polisin məlumatına görə, “sərxoş vəziyyətdə olan” V.İsgəndərli dövlətin və ayrı-ayrı məmurların əleyhinə kobud ifadələr işlədib, ictimai asayişi pozub.
Lakin hüquq-müdafiəçisinin qardaşı, “Demokratiyanın Müdafiəsinə Kömək” QHT-nin vitse-prezidenti Oqtay İsgəndərlinin sözlərinə görə, V.İsgəndərli uydurma ittiham ilə həbs olunub.
Onun sözlərinə görə, hüquq-müdafiəçisi noyabrın 30-da günün ikinci yarısında Göyçaya gəlib və yerli sakinlər şəhər parkında onu izdihamla qarşılayıblar. Onlar öz problemlərindən danışıblar, Göyçay Rayon İcra Hakimiyyətinin başçısı, nəqliyyat naziri Ziya Məmmədovun yaxın qohumu Mənsur Məmmədovun özbaşınalığından şikayətləniblər.
Bu barədə rayon rəhbərliyinə məlumat verilib və tezliklə parka polis qüvvələri göndərilib. Hüquq-müdafiəçisini saxlayaraq rayon polis şöbəsinə aparıblar. Polisin təzyiqləri altında həkimlər V.İsgəndərlinin qanında “az miqdarda spirtin” olması barədə rəy veriblər. Halbuki, o, şəkər xəstəliyindən əziyyət çəkir.
V.İsgəndərli həmin polislərin şahid ifadələri əsasında 15 sutka mühakimə edilib. O, vəkillə təmin olunmayıb. V.İsgəndərlini dəstəkləməyə gələn çoxsaylı sakinlər məhkəməyə buraxılmayıb.
“Demokratiyanın Müdafiəsinə Kömək” QHT-nin bəyanatında qeyd olunur ki,
Quba və İsmayıllı hadisələrinin Göycayda təkrar olunmaması ücün hakimiyyət orqanları ciddi ölcü götürməlidirlər. İcra başcısı Mənsur Məmmədovun özbaşınalıqları və qanunsuz hərəkətləri barədə ölkə prezidenti məlumatlandırılacaq.
V.İsgəndərli əvvəllər də inzibati və cinayət məsuliyyətinə məruz qalıb.
2011-ci il aprelin 2 və 7-də 5 və 15 sutka inzibati həbsə məruz qalıb. 2011-ci il mayın 2-də 2010-cu ilin parlament seçkilərində seçki prosesinə müdaxilədə ittiham olunaraq
həbs edilib və nəticədə 3 il azadlıqdan məhrun olunub. Halbuki, deputatlığa namizəd olan V.İsgəndərli saxtalaşdırma faktlarını aşkar edərək bununla bağlı videosübutlar təqdim edib. O, “Amnesty International” beynəlxalq təşkilatı tərəfindən “vicdan məhbiusu” kimi tanınıb. 2012-ci il dekabrın 26-da əfv ilə əlaqədar vaxtından əvvəl azadlğa buraxılıb.—06B--
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz