![NATO baş katibi Azərbaycan, Gürcüstan və Moldovanı Aİ ilə yaxınlaşmaya görə təbrik edib](https://turan.az/resized/750/500/resize/media/2013/main/120100059754.jpg)
NATO baş katibi Azərbaycan, Gürcüstan və Moldovanı Aİ ilə yaxınlaşmaya görə təbrik edib
NATO baş katibi Anders Foq Rasmussen “Şərq tərəfdaşlığı” sammitinin nəticələri və Avropa İttifaqı ilə yaxınlaşma ilə əlaqədar Azərbaycan, Gürcüstan və Moldovanı təbrik edib.
“Mən Vilnüsdə keçirilən “Şərq tərəfdaşlığı” sammitinin nəticələrini alqışlayıram. Mən Azərbaycan, Gürcüstan və Moldovanı Avropa İttifaqı ilə münasibətlərində mühüm addım atmaq kimi suveren seçimləri, qətiyyətləri, cəsarətləri və ciddi işləri ilə əlaqədar təbrik edirəm”, - bəyanatda deyilir.
NATO öz tərəfdaşlıq proqramlarında Aİ-nin siyasi assosiasiya və iqtisadi inteqrasiya istiqamətini bölüşür və dəstəkləyir. Rasmussenin fikrincə, bu proseslər “Avropada azadlığa, sabitliyə və çiçəklənməyə xidmət edir”.
Baş katib sammit zamanı Aİ ilə assosiasiya sazişi imzalamayan Ukraynanı yada salmayıb.
Cümə günü Vilnüsdə “Şərq tərəfdaşlığı” sammitində Moldova və Gürcüstan Aİ ilə assosiasiya haqqında sazişi paraflayıblar. Aİ onlarla sazişi mümkün qədər tez, gələn il imzalamağı nəzərdə tutur. Bundan əlavə, sammit çərçivəsində Azərbaycanla sadələşdirilmiş viza haqqındsa, Gürcüstanla Aİ-nin böhranlı vəziyyətlərin idarə olunması üzrə son əməliyyatlarda iştirakı haqqında sazişlər imzalanıb.
“Şərq tərəfdaşlığı” layihəsi postsovet məkanından altı dövlətin – Azərbaycan, Gürcüstan, Ermənistan, Moldova, Ukrayna və Belarusun siyasi və iqtisadi baxımdan yaxınlaşmasını nəzərdə tutur. Aİ-nin təklif etdiyi proqrama Polşa və İsveçin təşəbbüsü ilə 2009-cu il mayın 8-də rəsmi start verilib.-02D-
-
- Siyasət
- 1 Dekabr 2013 17:42
-
- İqtisadiyyat
- 2 Dekabr 2013 10:45
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz