![GUAM PA münaqişələrin nizamlanmasında irəliləyişin olmamasından narahatdır](https://turan.az/resized/750/500/resize/media/2012/main/122000022210.jpg)
GUAM PA münaqişələrin nizamlanmasında irəliləyişin olmamasından narahatdır
GUAM Parlament Assambleyası GUAM məkanında yubadılmış münaqişələrin nizamlanmasında irəliləyişin olmamasından narahatlığını bəyan edib. Bu barədə cümə axşamı Bakıda Demokratiya və İqtisadi İnkişaf Uğrunda Təşkilatın – GUAM (Gürcüstan, Ukrayna, Azərbaycan, Moldova) Parlament Assambleyasının beşinci iclasının yekunları üzrə qəbul olunmuş kommünikedə deyilir.
“GUAM Parlament Assambleyası GUAM məkanında yubadılmış münaqişələrin nizamlanmasında irəliləyişin olmamasından, o cümlədən həmin münaqişələrdə hazırkı vəziyyətin qalmasından narahatlığını bildirir. Bu, təkcə GUAM üzvü olan dövlətlər üçün yox, bütün Avropa üçün təhlükədir”, - sənəddə qeyd olunur.
Sənəddə GUAM PA-nın beynəlxalq fəaliyyətinin genişləndirilməsi, əsasən Baltika assambleyası, Benilyuks parlamenti və digər beynəlxalq, regional parlamentlərarası strukturlarla qarşılıqlı faydalı münasibətlərin inkişafı alqışlanır.
GUAM PA Avropanın enerji təhlükəsizliyinin təminatına Azərbaycanın verdiyi töhfəni yüksək qiymətləndirib, GUAM dövlətlərində həyata keçirilən enerji layihələrinin dəstəkləndiyini bildirib. Bundan əlavə, tərəflər demokratiyanın möhkəmləndirilməsində, qanunun aliliyinə, əsas insan hüquq və azadlıqlarına əməl olunmasında, dövlətlərin iqtisadi inkişafında, regionda təhlükəsizliyin və sabitliyin təminatında GUAM-ın mühüm rolunu qeyd ediblər.
GUAM PA Aİ ilə münasibətlərin, o cümlədən Şərq Tərəfdaşlığı Proqramı çərçivəsində əlaqələrin daha da inkişafını dəstəklədiyini bəyan edib. –06D-
-
- Cəmiyyət
- 20 Dekabr 2012 14:09
-
- İqtisadiyyat
- 20 Dekabr 2012 14:39
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz