Gülağa Aslanlı: «Bu, hakimiyyətin səviyyəsinin nümayişi idi»
Fevralın 2-də 50 nəfərə yaxın adam Müsavat Partiyasının qərargahı önündə etiraz aksiyası keçirib. Bunu Turan-a Müsavat Partiyası Mərkəzi İcra Aparatının rəhbəri Gülağa Aslanlı bildirib.
Onun sözlərinə görə, aksiyaya səbəb Müsavat Partiyası rəhbərliyinin və partiyanın keçmiş başqanı İsa Qəmbərin hakimiyyətin ünvanına tənqidlər səsləndirməsidir. “Yanvarın 31-də 1918-20-ci illər Azərbaycan Cümhuriyyətinin banisi Məhəmməd Əmin Rəsulzadənin doğum günü ilə bağlı Novxanı kəndində keçirilən tədbirdə mövcud hakimiyyətin ünvanına ciddi tənqidlər səsləndi, hakimiyyət avtoritarlıqda, qeyri-demokratiklikdə suçlandı”, -G.Aslanlı bildirib.
G.Aslanlının fikrincə, bugünkü etiraza toplaşanlar öz aləmlərində Novxanıdakı tənqidlərə cavab reaksiyası nümayiş etdiriblər.
Müsavat rəsmisi hesab edir ki, ora toplaşanlar öz mövqelərini yox, hakimiyyətin mövqeyini, səviyyəsini ifadə ediblər və belə ssenarilər Müsavat Partiyasına tanışdır.
G.Aslanlı bildirib ki, Müsavat Partiyası qərargahı önünə toplaşanlar “Yaşasın Heydər Əliyev, yaşasın İlham Əliyev, rədd olsun İsa Qəmbər, rədd olsun Arif Hacılı, rədd olsun Müsavat Partiyası!” şüarlarını səsləndiriblər.
G.Aslanlı bildirib ki, Müsavat Partiyası önünə toplaşanlar ora polisin müşayətilə gəliblər, aralarında mülki geyimli polis nəfərləri də olub.
G.Aslanli bu hadisənin partiya rəhbərliyində müzakirə olunacağını və dəyərləndiriləcəyini də bildirib.-05B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz