![Gülər Əhmədova Əvəz Zeynallıya qarşı ifadə vermək istəmir](https://turan.az/resized/media/2013/main/030500030715-750-500-resize.webp)
Gülər Əhmədova Əvəz Zeynallıya qarşı ifadə vermək istəmir
Həbsdə olan keçmiş deputat Gülər Əhmədovanın vəkili Eldar Qədimi Turan agentliyinə müsahibəsində G.Əhmədovanın səhhətinin pisləşdiyini və onun
istintaqdan narazı olduğunu bildirib. “O, YAP-dan dəstək gözləmir və Əvəz Zeynallının məhkəməsinə getməyəcək”, - vəkil qeyd edib.
Səhhəti ilə bağlı sualın cavabında vəkil deyib ki, G.Əhmədovanın limfaları şişib, lakin istintaq buna reaksiya vermir.
İstintaqın gedişi barədə sualın cavabında vəkil bildirib ki, G.Əhmədova istintaqın gedişindən razı deyil, çünki hər şey videomateriallara əsaslanıb.
“O nə istintaqdır? İstintaq həqiqi sənədlərin, əsllərin üzərində qurulmalıdır. Amma bu, neçə dəfə montaj olunmuş lentlərdir”, - vəkil vurğulayıb.
İstintaq Elşad Abdullayevi Azərbaycana gətirib Gülər Əhmədova ilə üzləşdirməlidir. Bu günə kimi aparılan işləri istintaq kimi qiymətləndirmək olmaz.
E.Qədimi F.Əhmədovaya qarşı Cinayət Məcəlləsinin 178-ci (dələduzluq) və 307-ci (cinayət barədə xəbər verməmə) maddələrindən başqa yeni ittihamların irəli sürülə biləcəyini istisna etməyib.
O qeyd edib ki, hələlik G.Əhmədovanın özü dindirilmir. İstintaq toplanmış materialları yoxlayır.
O, KİV-i G.Əhmədovanın əmlakı, təcridxana rəhbərliyi ilə münaqişəsi barədə əsassız məlumatlar yaymaqda ittiham edib.
Hakim YAP tərəfindən dəstəklə bağlı suala cavab olaraq vəkil deyib ki, partiya onu öz sıralarından çıxarıb: “Hansı dəstəkdən danışmaq olar?”
“G.Əhmədova onun şikayəti əsasında həbs olunmuş jurnalist Əvəz Zeynallının işi üzrə məhkəmədə çıxış edəcəkmi” sualına vəkil mənfi cavab verib: “Onun məhkəməyə gedib ona qarşı ifadə vermək niyyəti yoxdur”. -03B-
-
- Siyasət
- 5 Mart 2013 13:50
-
- İqtisadiyyat
- 5 Mart 2013 14:22
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz