Bu gün Ağır Cinayətlərə dair İşlər üzrə Məhkəmədə Əlisultan Osmanovun sədrliyi ilə keçmiş deputat Gülər Əhmədovanın işi üzrə məhkəmə prosesi davam edib.
Xatırladaq ki, Əhmədovanın həbsinə Beynəlxalq Universitetin keçmiş rektoru Elşad Abdullayevin yaydığı video səbəb olub. Gizli kamera ilə çəkilmiş bu kadrlarda Əhmədova və onun əlbiri, mərhum Sevinc Babayevanın Abdullayevdən “deputat seçilməsi üçün” 1 mln. dollar aldığı görünür.
Prokuror Eldar Həmzəyev ittiham aktını oxuyub. Əhməova 178.3.2 (etibardan sui-istifadə etməklə, özgənin külli miqdarda əmlakını ələ keçirmə) və 307.1-ci (ağır və ya xüsusilə ağır cinayətin hazırlanmasını və ya törədilməsini bilərək həmin cinayət barədə xəbər verməmə ) maddələri ilə təqsirləndirilir.
Daha sonra hakim Əhmədovadan özünü təqsirli bilib bilmədiyini soruşub. O, özünü tamamilə təqsirsiz bildiyini deyib. Bundan sonra Əhmədova ifadə verib. O, jurnalistlərin “fantastik” məqalələri əsasında həbs olunduğunu bildirib.
“Mən yalnız jurnalist materiallarına görə buradayam”, deyə Əhmədova bildirib. O, jurnalistlərin ya prosesdə onun dediklərini olduğu kimi yazmasını, yaxud da dinləmələrin jurnalistlərin iştirakı olmadan keçirilməsini tələb edib. Lakin hakim onun tələbini diqqətə almayıb.
Daha sonra Əhmədova “demokratik addımının” – deputat mandatından könüllü imtinasının layiqincə qiymətləndirilməməsindən şikayət edib.
“Bu, demokratiyanın təntənəsi idi. Lakin KİV bunu elə təqdim etdi ki, guya mən özümü günahkar bildiyim üçün belə etmişəm”, deyə Əhmədova bildirib.
Daha sonra o qeyd edib ki, ABU rektoru Elşad Abdullayevdən pul almayıb, “yalnız tələbələrin pullarını qaytarmasını tələb edib”.
“Mən heçkimdən pul almamışam və heç kimdən rüşvət almamışam.. Bu video montaj olunub”, deyə Əhmədova bildirib.
Daha sonra bu videomaterialdan dəlil kimi istifadə edilməsinin konstitusiyaya zidd olduğunu bildirib, belə ki, çəkiliş gizli aparılıb.
O, həmçinin mərhum Sevinc Babayeva ilə dost münasibətlərini inkar edib və sonuncunun Elşad Abdullayevin yaxın tanışı olduğunu iddia edib.
Hakim ifadəsini başa çatdıran Gülər Əhmədovaya proses iştirakçılarının suallarına cavab verməyi təklif edib.
Lakin G. Əhmədova özünü yaxşı hiss etmədiyini, məhkəmənin təxirə salınmasını xahiş edib.
Onun xahişi nəzərə alınıb və proses oktyabrın 31-nə təxirə salınıb.
Qeyd edək ki, məhkəmə iclası kiçik zalda keçirilir, buna görə bütün arzu edənlər prosesdə iştirak edə bilmir. -16D-
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz