Güney Azərbaycan mühacirət hökuməti və parlamenti yaradılır
Bu gün RATİ-nin mətbuat mərkəzində Dünya Azərbaycanlıları Konqresinin (DAK) həmsədri, Milli Məclisin deputatı Sabir Rüstəmxanlı qurumun idarə heyətinin yanvarın 18-19-da Frankfurtda keçirilən toplantısının yekunları ilə bağlı mətbuat konfransı keçirib. Konfransda DAK İdarə Heyətinin digər üzvləri və fəalları da iştirak edib.
Frankfurt toplantısında İranda və Güney Azərbaycanda baş verən son hadisələr əsas müzakirə mövzusu olub.
DAK İdarə Heyətinin toplantısı BMT baş katibi Pan Gi Mun, ABŞ prezidenti Barak Obama, Gürcüstanın baş naziri Bidzina İvanişvili və dünya ictimaiyyətinə müraciət edib. Urmiya gölündəki ekoloji fəlakətlə bağlı bəyanat yayıb.
“Toplantıda həmçinin bölgədəki ictimai-siyasi durum, İranda işgəncələr, Rusiyada, Gürcüstanda, İraqda və Suriyada azərbaycanlıların son durumu ilə bağlı müzakirələr apardıq”, deyə o qeyd edib.
DAK İdarə Heyəti İranda yaşayan azərbaycanlıların mühacirət hökumətinin və parlamentinin yaradılması məsələsini də geniş müzakirə edib.
“Biz Güney Azərbaycan siyasi Partiyalarının, ictimai-siyasi xadimlərinin daxil olacağı mühacirət hökuməti və parlamenti üzərində işlərimizi davam etdiririk. Hökumət və parlament yaxın zamanlarda elan ediləcək”, deyə DAK həmsədri bəyan edib.
Qurum qarşıdakı aylarda Avropa parlamentlərində və Amerikada görüşlər keçirəcək.
“Bununla yanaşı, İran müxalifəti və milli, etnik azlıqların nümayəndələri ilə də görüşləri davam etdiririk”, deyə o bildirib.
2013-cü ilin oktyabrında Gülüstan sülh müqaviləsinin 200 ili tamam olur. DAK il ərzində Rusiya və İran arasında bağlanmış müqavilənin hüquqi qüvvəsini itirməsi, bu müqavilə nəticəsində Azərbaycan xalqının ikiyə bölünməsi ilə bağlı konfranslar keçirəcək. Nəhayət bu ilin oktyabrında beynəlxalq konfrans təşkil ediləcək.
DAK həmsədri Turan-ın Güney Azərbaycan Milli Oyanış Hərəkatının lideri Mahmudəli Çöhrəqanlının Azərbaycan və Türkiyəyə buraxılmamasının səbəbləri barədə sualına da cavab verib.
Mahmudəli Çöhrəqanlı Azərbaycan və ya Türkiyə hökumətlərinə nə edib? O, bu ölkələrə qarşı cinayətmi edib? İranda yaşayan azərbaycanlıların milli haqlarını müdafiə edən liderin Azərbaycan və Türkiyəyə buraxılmaması qorxaqlıq əlaməti deyilmi? - sualları ilə üzbə-üz qalan DAK həmsədri deyib ki, Mahmudəli Çöhrəqanlının Azərbaycana buraxılması ilə bağlı Azərbaycan prezidentinə müraciət edib.
“Amma hələ müraciətinə cavab ala bilməmişəm”, deyə o qeyd edib.
DAK İdarə Heyətinin növbəti toplantısı iyunda Gürcüstanda keçiriləcək. -03C-
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz