Gürcüstan azərbaycanlıları prezident İlham Əliyevdən quru sərhədlərin açılmasını xahiş edirlər

Bakı/23.08.23/Turan: Gürcüstanda yaşayan etnik azərbaycanlılar Azərbaycan prezidenti İlham Əliyevə müraciət edərək adamların bir-birinə gedib-gələ bilməsi üçün quru sərhədlərin açılmasını xahiş ediblər.

3 il öncə koronavirus pandemiyası səbəbindən Azərbaycanla Gürcüstan arasında quru sərhədləri bağlanıb.

Gürcüstanda yüz minlərlə azərbaycanlı, Azərbaycanda isə etnik gürcülər yaşayırlar. Onların çoxunu ailə bağları birləşdirir, lakin uzun müddətdir ki, bu yaxınlıqdan məhrumdurlar.

1 mindən çox adamın imzaladığı müraciətə Azərbaycanda yaşayan gürcülər də qoşulur, sənəddə qeyd olunur.

Müraciət gürcüstanlı hüquq müdafiəçisi, etnik azərbaycanlı Samirə Bayramovanın təşəbbüsü ilə tərtib edilib və sosial şəbəkələrdə yerləşdirilib.

https://manifest.ge/petitions/766158/S%C9%99rh%C9%99dl%C9%99rin-a%C3%A7%C4%B1lmas%C4%B1-v%C9%99-ya-quru-s%C9%99rh%C9%99dd%C9%99-alternativ-giri%C5%9F-%C3%A7%C4%B1x%C4%B1%C5%9F%C4%B1n-t%C9%99min-olunmas%C4%B1-%C3%BC%C3%A7%C3%BCn-G%C3%BCrc%C3%BCstan-az%C9%99rbaycanl%C4%B1lar%C4%B1n%C4%B1n-Az%C9%99rbaycan-Respublikas%C4%B1n%C4%B1n-prezidenti-c%C9%99nab-%C4%B0lham-%C6%8Fliyev%C9%99-m%C3%BCraci%C9%99ti?fbclid=IwAR2t2k5RB8lNoucAzCQTuOSE7CGRsJPNpx4oq5cst2hJtRbBSkMN2iX5I60

Xatırladaq ki, Azərbaycanın bütün qonşu dövlətlərlə quru sərhədləri 24 mart 2020-ci il tarixindən vətəndaşlar üçün bağlıdır. 03B06