Gürcüstan Cənubi Qafqazda ABŞ-ın iştirakının möhkəmləndirilməsinə çağırır

Bakı/18.11.20/Turan: Çərşənbə günü Gürcüstanın baş naziri Georgi Qaxariya ABŞ dövlət katibi Mayk Pompeo ilə görüşündə qeyd edib ki, iki ölkənin tərəfdaşlığının əsası eyni dəyərlər və ümumi geostrateji maraqlar təşkil edir, bu barədə Gürcüstan KİV məlumat verib.

Gürcüstan hakimiyyəti Qafqazda müdafiə və təhlükəsizlik məsələlərində ABŞ-la əməkdaşlığın möhkəmləndirilməsinə, ABŞ-ın bu regionda nümayəndəliyinin gücləndirilməsinə tərəfdardır.

Gürcüstan hökumətinin mətbuat xidmətinin məlumatına görə, Qaxariya qeyd edib ki, iki ölkənin strateji tərəfdaşlığının əsasını azadlıq və demokratiya kimi dəyərlər, həmçinin ümumi geostrateji maraqlar təşkil edir. Onun sözlərinə görə, Tbilisidə " ölkənin suverenliyinə və ərazi bütövlüyünə ABŞ xalqı və hökuməti tərəfindən dəyişməz dəstək" qiymətləndirilir. “Siz yaxşı bilirsiniz ki, bu məsələ bizim ölkəmiz, əraziləri işğal edilmiş ölkəmiz üçün nə qədər vacibdir. Çünki işğalçı qüvvələr hələ də əvvəlkitək bizim torpağımızda yerləşdirilib",- Gürcüstanın baş naziri vurğulayıb.

Öz növbəsində Mayk Pompeo qeyd edib ki, Amerika gələcəkdə Gürcüstanın Demokratik institutlarının möhkəmləndirilməsi, ölkənin Avropa və Avroatlantika inteqrasiya proseslərini dəstəkləmək üçün əlindən gələni edəcək.-02D-