![Gürcüstan DİN və Dövlət Təhlükəsizlik Xidməti Əfqan Muxtarlının oğurlanması barədə](https://turan.az/resized/750/500/resize/media/2017/main/053100001940.jpg)
Gürcüstan DİN və Dövlət Təhlükəsizlik Xidməti Əfqan Muxtarlının oğurlanması barədə
Bakı/31.05.17/Turan: Gürcüstan DİN azərbaycanlı jurnalist Əfqan Muxtarlının oğurlanması ilə bağlı bəyanatla çıxış edib. Bu barədə Gürcüstanın onlayn agentliyi məlumat yayıb.
"Gürcüstan DİN azərbaycanlı jurnalist Əfqan Muxtarlının işi ilə bağlı Gürcüstan CM-in 143-cü maddəsilə (qanunsuz olaraq azadlığın qarşısının alınması) təhqiqata başlayıb.
Paralel olaraq Azərbaycan tərəfilə kommunikasiya aparılır. Faktiki vəziyyət bəlli olan kimi ictimaiyyətə ətraflı məlumat veriləcək", - bəyanatda deyilir.
Lakin Gürcüstan Dövlət Təhlükəsizlik Xidmətinin rəhbəri Vaxtanq Qomelauri bildirib ki, Ə.Muxtarlı yaşıl sərhəd zolağı adlanan yerdə saxlanılıb ki, orada pasport lazım deyil.
"DİN istintaqa başlayıb, Azərbayan tərəfə müraciət edib. Yəqin ki, baş vermiş hadisə, onun harada saxlanması ilə bağlı rəsmi bəyanatlar olacaq. Azərbaycan tərəfi bildirir ki, Əfqan Muxtarlı buraxılış məntəqəsində yox, yaşıl sərhəd zolağını keçərkən saxlanılıb ki, orada da pasport lazım deyil", - Qomelauri bildirib.
"Хроника+" qəzetinin jurnalisti Maka Mosiaşvili isə bildirib ki, Ə.Muxtarlı Laqodexi rayonunda sərhəd məntəqəsindən keçirilib. Bu, Qomelaurinin fikirlərinin doğru olmadığını göstərir.
Gürcüstan Təhlükəsizlik Xidmətinin rəhbərinin sözləri ağılsızlar üçün ünvanlanıb. Təkcə onlar inana bilər ki, dünyanın harasındasa sərhəddi pasportsuz keçmək olar.-0-
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz