Президент Грузии Георгий Маргвелашвили
Bakı/23.02.18/Turan: Gürcüstan prezidenti Georgi Marqvelaşvili fevralın 26-da Azərbaycanlıların sıx yaşadığı Marneuli rayonuna səfər edəcək.
Marqvelaşvili Əhalinin Məşğulluq Mərkəzində yerli gənclər və ictimaiyyət nümayəndəsi ilə görüş keçirəcək. Bu barədə Gürcüstan dövlət başçısının mətbuat xidməti məlumat yayıb.
Mənbənin məlumatına görə, səfər "Müstəqillikdən azadlığa doğru - respublikanın 100 yaşı" proqramı çərçivəsində baş tutacaq. Görüşlər zamanı Gürcüstan prezidenti kampaniyanın məqsədləri haqqında məlumat verəcək.
Bu kampaniyanın məqsədi Gürcüstanın müstəqilliyinin elan edilməsinin 100 illiyi ilə bağlı tədbirlərə gənclərin cəlb edilməsindən ibarətdir. Kampaniya mayın 26-na qədər davam edəcək və bütün ölkə üzrə bir sıra şəhərləri əhatə edəcək. -02D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz