Tbilisi/17.101.7/Turan: Azərbaycan və Gürcüstanın müdafiə sahəsində əməkdaşlığı uğurla inkişaf edir, bu barədə Azərbaycan müdafiə naziri Zakir Həsənov gürcü həmkarı Levan İzoriya ilə görüşündən sonra keçirilən brifinqdə bildirib.
O, regionda təhlükəsizliyin təmin edilməsi sahəsində birlikdə böyük işlər görüldüyünü və energetika layihələrinin təhlükəsizliyinə xüsusi diqqət yetirildiyini qeyd edib: "Bununla əlaqədar olaraq, Azərbaycan, Gürcüstan və Türkiyə hərbiçiləri birgə təlimlər keçirib. Biz bu sahədə də əməkdaşlığı genişləndirmək niyyətindəyik".
"Azərbaycan və Gürcüstan ərazi bütövlüyü və suverenlik məsələlərində də vahid mövqedən çıxış edirlər. Biz bundan sonra da eyni mövqedən çıxış edəcəyik", deyə Həsənov qeyd edib.
Öz növbəsində, Levan İzoriya Azərbaycanlı həmkarı ilə görüşünü çox səmərəli adlandırıb, NATO çərçivəsində də ikitərəfli əməkdaşlığın inkişaf etdiyini bildirib: "Əməkdaşlığımızın əsas prioritetləri regional təhlükəsizlik və energetika layihələrinin mühafizəsidir".
"Azərbaycan bizim üçün yaxın siyasi və strateji tərəfdaşdır. Bizim mövqeyimizdə prinsipial fərq yoxdur", deyə İzoriya bildirib. -02D-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz