![Gürcüstan XİN rəhbəri öz ölkəsinin Aİ ilə mütləq saziş imzalayacağını bildirir](https://turan.az/resized/media/2013/main/112700059244-750-500-resize.webp)
Gürcüstan XİN rəhbəri öz ölkəsinin Aİ ilə mütləq saziş imzalayacağını bildirir
Tbilisi/27.11.13/Turan-BSPRESS: Gürcüstan XİN rəhbəri Maya Pancikidze əmindir ki, Vilnüsdə “Şərq tərəfdaşlığı” sammitində Aİ ilə assosiasiya haqqında sazişin paraflanmasına heç nə əngəl olmayacaq və 2014-cü ildə sənəd imzalanacaq.
Noyabrın 28-29-da Vilnüsdə keçiriləcək sammit zamanı Gürcüstanla Aİ arasında assosiasiya haqqında saziş paraflanacaq.
“Bizim nümayəndə heyəti Vilnüsə yola düşəcək və paraflanmaya heç nə əngəl ola bilməz”, - o, “Rustavi-2” teleşirkətinin efirində bildirib. O əlavə edib ki, sazişin yekun imzalanması bir sıra texniki məsələlərin həllini tələb edir.
“Mən tam əminəm ki, nə olursa olsun, biz 2014-cü ilin sentyabrında mütləq sazişi imzalayacağıq”, - Pancikidze vurğulayıb.
“Şərq tərəfdaşlığı” layihəsi postsovet məkanının 6 dövlətinin – Azərbaycan, Ermənistan, Gürcüstan, Moldova, Ukrayna və Belarusun Aİ ilə siyasi və iqtisadi yaxınlaşmasını nəzərdə tutur.
Sammit LITEXPO sərgi zalında keçiriləcək. Aİ ilə assosiasiya haqqında sazişin paraflanması noyabrın 29-da Litva Xarici İşlər Nazirliyində olacaq. Paraflanmadan sonra 2014-cü ilin sentyabrında sənədin imzalanması planlaşdırılır.-02D-
-
- İqtisadiyyat
- 27 Noyabr 2013 13:44
-
- Cəmiyyət
- 27 Noyabr 2013 13:53
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz