Bakı/26.07.18/Turan: Həbsdəki jurnalist Əfqan Muxtarlı Gürcüstanın əlaqəli hüquq-mühafizə qurumlarına təqdim edilməsi üçün yazılı ifadə verib. İfadənin Gürcüstan Prokurorluğuna təqdim edildiyi bildirilir.
Bu haqda Turan-a jurnalistin gürcüstanlı vəkili Archil Chopikashvili məlumat verib.
Əfqan Muxtarlı işi ilə bağlı keçən il Gürcüstanda da cinayət araşdırmasına başlandığını qeyd edən vəkil ötən müddət ərzində araşdırmada hər hansı irəliləyişin olmadığını bildirib.
"Biz hər dəfə mürciət etdiyimizdə araşdırmanın yubanmasını Əfqan Muxtarlının ifadəsini ala bilməmələri ilə izah edirdilər. Prokurorluq müvafiq müraciətlərə Azərbaycan tərəfinin cavab vermədiyini bildirirdi. Ona görə də biz Ə.Muxtarlının özünün yazdığı ifadəni prokurorluğa təqdim etdik", vəkil bildirib.
Jurnalist ifadəsini ötən ay göndərib, o, notarial qaydada gürcü dilinə çevrilib və Gürcüstan Prokurolugunun İstintaq İdarəsinə ünvanlanıb.
İfadənin məzmununa gəlincə, vəkil deyib ki, Ə.Muxtarlı orda başına gələnləri detallarınadək qeyd edib, İstintaqı ilgiləndirən mümkün bütün suallara aydınlıq gətirib.
Vəkil ifadənin prokurorluga təqdim edilməsi ilə jurnalistin işinin araşdırması ilə bağlı yeni gəlişmələrin ola biləcəyini ifadə edib.
Gürcüstandan oturum izni almış Ə.Muxtarlı 2017-ci il mayın 29-da Tbilisidən müəmmalı şəkildə Azərbaycana gətirilib. Jurnalistin özü Tbilisidə oğurlandığını, başına torba keçirildiyini, işgəncəyə məruz qaldığını, zorla Azərbaycana gətirildiyini və sərhəddən keçirilərkən cibinə 10 min avro qoyulduğunu bildirib.
Rəsmi ittihamda isə bunun əksi iddia olunur.
Ona qarşı Cinayət Məcəlləsinin 315 (güc tətbiq etməklə hakimiyyət nümayəndəsinə müqavimət göstərmək), 318.1 (sərhədi qanunsuz keçmək) və 206.1 (qaçaqmalçılıq) maddələri ilə cinayət işi açılıb. İttihamda iddia olunub ki, jurnalist sərhədi qanunsuz keçərkən onu saxlayan hərbçilərə müqavimət göstərib, birinə xəsarət yetirib, üzərindən də 10 min avro pul çıxıb.
Ə.Muxtarlı ittihamları rədd edərək, həbsini "siyasi sifariş" adlandırıb.
Bakıdakı rəsmi qurumlar isə onun sərhədi keçərkən Azərbaycan ərazisində saxlanıldığını, bu zaman hüquq-mühafizə əməkdaşlarına müqavimət göstərdiyini bəyan ediblər.--0--
Jurnalist məhkəmənin qərarı ilə 6 il həbs cəzası alıb.
Siyasət
-
Bu il Azərbaycan-NATO münasibətlərində mühüm bir mərhələni qeyd edir: "Sülh Naminə Tərəfdaşlıq" (PfP) proqramına qoşulmasının 30-cu ildönümü. Noyabrın 26-da Bakıda keçirilən yubiley konfransı əməkdaşlıq yolunu nəzərdən keçirmək, nailiyyətləri və problemləri vurğulamaq və gələcək istiqamətləri müəyyənləşdirmək üçün görkəmli şəxsləri bir araya gətirdi.
-
Noyabrın 26-da ABŞ-ın vasitəçiliyilə İsrail və “Hizbullah” Hərəkatı arasında Livan və İsrail arasındakı sərhəddə atəşkəs haqqında saziş əldə edilib. Saziş ötən gecə qüvvəyə minib.
-
ABŞ Azərbaycanın NATO-nun Sülh Naminə Tərəfdaşlıq Proqramında aktiv rolunu və NATO ilə tərəfdaşlıq üzrə davamlı öhdəliyini yüksək qiymətləndirir. Bu barədə ABŞ-ın Azərbaycandakı səfirliyinin Azərbaycanın NATO-nun Sülh Naminə Tərəfdaşlıq Proqramına qoşulmasının 30 illiyi münasibətilə yaydığı məlumatda deyilir.
-
Çərşənbə axşamı G7 ölkələrinin aparıcı diplomatları Rusiyanın Ukraynaya qarşı son eskalasiyasını qətiyyətlə pisləyərək Kiyevə "daimi dəstək" vəd ediblər, Turan-ın Vaşinqton müxbiri bildirib.
Rəy yaz