Gürcüstanı NATO-ya qəbul edə bilərlər, Krım Rusiyanın tərkibinə daxil olacaq

Rusiya Krımı özünə birləşdirərsə, Gürcüstanı NATO-ya qəbul edə bilərlər. Bu barədə Moskvanın “Kommersant” qəzeti NATO rəhbərliyində və ABŞ Dövlət Departamentindəki mənbələrə istinadla yazır.

Rusiyanın Ukraynadakı hərəkətləri alyansın postsovet məkanında daha qətiyyətli siyasət yürütməsi zərurəti haqqında müzakirələrin bərpasına gətirib çıxarıb, NATO-nun qərargah-mənzilində belə deyirlər.

İndi Gürcüstanın üzvlüyü haqqında hətta bu yaxınlarda bu məsələni sürətləndirməməyə çağıran ölkələr belə düşünür. Tbilisi artıq hərbi bloka inteqrasiya etmək istəyini təsdiq edib, deyə Dövlət Departamentindən bildiriblər.

İndi hər şey bazar günü keçiriləcək referendumun nəticələrindən asılıdır. Krım Rusiyanın tərkibinə daxil olarsa, NATO-nun ən yaxın sammitində (sentyabrda Böyük Britaniyada keçiriləcək) Gürcüstana alyansa üzvlük üzrə fəaliyyət planı təqdim edilə bilər. Bu, ölkənin təşkilatın tamhüquqlu üzvü olmaq üçün yerinə yetirməli olduğu siyasi, hərbi, iqtisadi və hüquqi şərtlər siyahısıdır. Hazırda Makedoniya, Monteneqro və Bosniya alyansa daxil olmaq üçün bu şərtləri yerinə yetirir.

Çox güman ki, NATO-nun növbəti üzvü Ukrayna olacaq. -02D-