Hacı Abdul Nəsir Ağayevlə barışıb

1980-ci illərin sonları – 1990-cı illərin əvvəllərində milli-demokratik hərəkatın iştirakçılarından biri və “Bakı və Bakı kəndləri” Birliyinin təsisçisi Nəsir Ağayev “Vətən naminə xalq birliyi” ictimai koalisiyasına daxil olub.

Bu koalisiya keçən ay “demokratikliyə yardım məqsədilə” yaradılıb. Koalisiyanın təşəbbüskarı “Tövbə” dini icmasının rəhbəri Əbdül Əbdüləliyevdir.

Koalisiyaya “Tövbə” ilə yanaşı, “Bakı-oyanış” ictimai birliyi və ATA (Azərbaycan Tərəqqi Alyansı) daxil olub.

Birlik yeni üzvlərin daxil olması üçün açıqdır.

Maraqlıdır ki, vaxtilə Əbdüləliyev və Ağayev bir-birinə qarşı zidd mövqe tuturdu. Lakin bu gün onlar barışıblar.

“Keçmişə deyil, gələcəyə baxmaq və demokratiya uğrunda mübarizə aparmaq lazımdır”, deyə Əbdüləliyev bildirib.

Öz növbəsində, Ağayev deyib ki, hazırda ölkədə pul və güc hüquq və ədalət üzərində üstünlük təşkil edir.

Ölkədə korrupsiya və inhisarçılıq hökm sürür, onlar xalqın rifahının artmasına mane olur.

Ağayev qeyd edib ki, Bakı kəndlərinin torpaq fondlarının mənimsənilməsi, Xəzər dənizi sahilinin landşaftının dağıdılması prosesi gedir.

Demokratik Qüvvələrin Milli Şurasının yaradılmasını alqışlayan Ağayev eyni zamanda oraya bir sıra “arzuolunmaz şəxslərin” daxil olduğunu bildirib.

Prezidentliyə namizədlərdən hər-hansı birinə dəstək ifadə etməyən Ağayev qeyd edib ki, namizədin şəxsiyyətindən asılı olmayaraq, o, ölkənin iqtisadi, siyasi, əxlaqi və demoqrafik qəzadan xilas olması üzrə plana malik olmalıdır.

Bugünki hadisəni Bakı qəsəbələrinin birləşməsi yolunda növbəti mərhələ kimi qiymətləndirmək olar. Bu bölgənin elektoratı keçmiş prezident Ayaz Mütəllibovu öz lideri hesab edir.

Hazırda bu rola dramaturq Rüstəm İbrahimbəyov namizəddir. -05C06-