Azərbaycan Xalq Cəbhəsi Partiyasının Gənclər komitəsinin fəalı və təşkilatın Abşeron rayon şöbəsinin üzvü Tofiq Dadaşov saxlanılıb. O fevralın 22-də axşam Müşfiq qəsəbəsində kirayə tutduğu mənzilində mülki şəxslər tərəfindən saxlanılıb və naməlum istiqamətə aparılıb.
Yalnız bazar günü onun doğmaları xəbər tutublar ki, Tofiq Binəqədi Rayon Polis İdarəsinin 40-cı bölməsində saxlanılır. Polis saxlanmanın səbəbləri haqda informasiya verməkdən imtina edir.
T.Dadaşovun qardaşı Şahin Dadaşovun sözlərinə görə, fəal Facebook sosial şəbəkəsi vasitəsilə Bakı meri Hacıbala Abutalıbovun istefası tələbilə etiraz aksiyasının keçirilməsinə çağırış etdiyinə görə təqib olunur.
T.Dadaşov fevralın 19-da Facebook-da “Hacıbala Abutalıbova isteda!” qrupunu yaradıb (https://www.facebook.com/events/201923230017839/?fref=ts). O, fevralın 23-də Bakıda paytaxt merinin istefası tələbilə etiraz aksyasının keçirilməsinə çağırıb. Buna səbəb H.Abutalıbovun “Azərbaycanda yalnız bir kişi var o da bizim prezidentdir” deməsi olub.
Son günlər sosial şəbəkələrdə keçmiş “Sovetski” küçəsində sakinlərlə görüşlə bağlı videoçarx qızğın müzakirə olunur. Görüş zamanı H.Abutalıbovun onu qəbul etməsi üçün Qaradağ rayon başçısına operativ tapşırıq verməsinə sevinən yerli sakin meri “bu ərazidə yeganə kişi” adıandırıb. Lakin H.Abutalıbov sakinin sözünü kəsərək
“Azərbaycanda yalnız bir kişi var o da bizim prezidentdir” deyib.
T.Dadaşov və bir çoxları merin bu sözlərini azərbaycanlı kişilər üçün təhqir sayıblar.
Maraqlıdır ki, fevralın 22-də saat 20:15-də T.Dadaşov saxlandıqdan sonra Facebook-da onun adından elan verilib ki, aksiyanı az
adam dəstəklədiyi üçün təxirə salınıb.
AXCP Gənclər Komitəsinin üzvü Bəyim Həsənli Turan-ın müxbiri ilə söhbətində bildirib ki, T.Dadaşovun kompüterini də aparıblar. O istisna etmir ki, Facebook-da aksiyanın ləğvi barədə qeyd polis bölməsində edilib.
Eyni zamanda B.Həsənli bildirib ki, aksiya barədə qərar T.Dadaşovun şəxsi təşəbbüsü olub, partiyanın buna heç bir aidiyyatı olmayıb.
O hesab edir ki, T.Dadaşov siyasi motivlərlə təqib olunur və AXCP fəalın hüquqlarını müdafiə edəcək. –06D--
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz