Konstitusiya Məhkəməsinin Konstitusiyaya əlavə və dəyişikliklər haqqında Referendum Aktını dəstəkləyən bugünki qərarından dərhal sonra hakim Yeni Azərbaycan Partiyası (YAP) referendum keçirilməsinə hazırlıqlara başlayıb.
Bu məsələyə partiyanın bugünki ümumrespublika müşavirəsində baxılıb. YAP mətbuat xidmətinin məlumatına görə, müşavirədə partiyanın rayon və şəhər təşkilatlarının rəhbərləri iştirak ediblər.
YAP hesab edir ki, düzəlişlər insan hüquq və azadlıqlarının möhkəmləndirilməsinə yönəlib.
Konstitusiyaya dəyişikliklər üzrə referendum prezidentin referendum elan etməsindən 60 gün sonra keçirilməlidir.
Xatırladaq ki, Konstitusiyaya düzəlişlər Azərbaycanda prezident hakimiyyətinin daha da güclənməsini, dövlət başçısına parlamenti buraxmaq, birinci vitse-prezident və vitse-prezidentlər təyin etmək hüququ verilməsini nəzərdə tutur. Bundan başqa, prezidentin səlahiyyət müddəti 5 ildən 7 ilədək artırılır, o, növbədənkənar prezident seçkiləri təyin etmək hüququ əldə edir. -0-
Siyasət
-
Ukrayna Prezidenti Vladimir Zelenski Azərbaycan Prezidenti İlham Əliyevə ad günü münasibətilə təbrik ünvanlayıb.
-
Həbsdə olan iqtisadçı və sabiq deputat Nazim Bəydəmirli saxlanma şəraitindən narazıdır.
-
Milli Məclisin sədri Sahibə Qafarova dekabrın 24-də Ukraynanın Azərbaycandakı səfiri Yuri Qusevlə görüşüb. Görüşdə Azərbaycan və Ukrayna əlaqələrinə dair fikir mübadiləsi aparılıb.
-
Həbsdə olan ictimai fəal Bəxtiyar Hacıyev Rail Abbasova görə Qərbi Azərbaycan İcmasına mətbuat vasitəsilə müraciət edib.
Rəy yaz