Bakı/12.01.18/Turan: Prezident İlham Əliyev Sabirabad Rayon Məhkəməsinin hakimi Təyyar Abbaslının səlahiyyətlərinə vaxtından əvvəl xitam verilməsi haqqında sərəncam imzalayıb. Buna hakimin qanunvericiliyin tələblərini dəfələrlə kobudcasına pozması səbəb olub. Bu barədə rəsmi məlumatda bildirilir. Həmin pozuntuların nədən ibarət olduğu və nə zaman baş verdiyi açıqlanmır.
T.Abbaslı 2010 - 2013-cü illərdə Lənkəran Rayon Məhkəməsinin hakimi, 2013 - 2015-ci illərdə Lerik Rayon Məhkəməsinin hakimi olub. Bundan sonra
Sabirabada göndərilib.
Ötən il Məhkəmə Hüquq Şurası 20-yə yaxın hakimi ya vəzifədən çıxarıb, ya da aşağı vəzifəyə keçirib. Ancaq konkret səbəblər açıqlanmayıb. -05D-
Siyasət
-
Yanvarın 23-də Bakı Apellyasiya Məhkəməsi hakim Zamin İbrahimovun sədrliyi ilə “Meydan TV”nin jurnalisti Natiq Cavadlı barədə seçilmiş həbs qətimkan tədbirnin ev dustaqlığı imkan tədbiri ilə əvəz edilməsi barədə vəsatətin təmin edilməməsi barədə Xətai Rayon Məhkəməsinin qərarından verilən şikayəti təmin etməyib. Məhkəmə jurnalisti həbsdə saxlayıb.
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
-
Azərbaycanla sülh prosesi çərçivəsində Ermənistan gündəlikdəki bütün məsələlərin həlli yollarını təklif edib, bu barədə yanvarın 23-də Ermənistanın Təhlükəsizlik Şurasının katibi Armen Qriqoryan bildirib.
Rəy yaz