Hakimiyyət BMT-nin xüsusi məruzəçisini qeyri-peşəkarlıqda ittiham edib

Bakı/23.09.16/Turan: Azərbaycanda insan hüquqları kobud şəkildə pozulur və məhdudlaşdırılır, hüquq çoxsaylı  müdafiəçilərinin hüquqlarının pozulması və hakimiyyətin antidemokratik hərəkətləri faktları var. BMT-nin hüquq müdafiəçilərinin vəziyyəti üzrə xüsusi məruzəçisi Mişel Forstun Bakıda mətbuat konfransında açıqladığı ümumi rəy belədir.

Həmişəki kimi, rəsmi Bakı tənqidi təkzib etməyə tələsib.

Dövlət başçısının köməkçisi Əli Həsənov bildirib ki, istənilən beynəlxalq təşkilatın, xüsusən də BMT kimi təşkilatın hesabatı müstəqil, tarazlaşdırılmış və yoxlanılmış faktlar əsasında hazırlanmalıdır.

“Təəssüf ki, cənab Mişel Forstun məruzəsində bu tarazlığa riayət olunmayıb, irəli sürülmüş iradlar, xüsusən həbslərlə, KİV və QHT ilə bağlı faktlar araşdırılmayıb, Azərbaycan hakimiyyətinin mövqeyi öyrənilməyib və nəzərə alınmayıb. Freedom House kimi Azərbaycana qarşı mənfi münasibət bəsləyən xarici QHT-lərin “hesabatlarında əksini tapan mülahizələr bu sənədə köçürülüb”.

Xüsusi məruzəçi hökumət və vətəndaş cəmiyyəti arasında dialoq olmadığını iddia edərkən ciddi səhvə yol verib, Həsənov belə hesab edir. Onun fikrincə, Forst yalnız “ona lazım olan” QHT-lərlə görüşüb.

Həsənovun fikrincə, bu hesabat gerçəkləri əks etdirmir və Forstun səriştəliliyini şübhə altına qoyur və sifarişli xarakter daşıyır.

O əmindir ki, bu sifariş Həsənovun adını açıqlamadığı hansısa xarici mərkəzdən verilib. -02D-