Hakimiyyət konstitusiya referendumuna hazırlaşır?

2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub. 

Parlamentin insan hüquqları komitəsinin sədri və eyni zamanda Sosial Tədqiqatlar Mərkəzinin rəhbəri Zahid Orucun Milli Məclisdə bugünki bəyanatı bu gözləntilərin əsassız olmadığını təsdiq edib.

Onun sözlərinə görə, "yeni konstitusiya referendumunun keçirilməsi də daxil olmaqla, çox sayda çağırış və baxış mövcuddur". Bununla əlaqədar olaraq, o, yeni "Zəfər Konstitusiyasının" qəbul edilə biləcəyini qeyd edib. Bundan başqa, "parlament dairələrində yeni konstitusiya strukturları haqqında məsələ müzakirə olunur", deyə Oruc bildirib.

Azad edilmiş ərazilərdə və Naxçıvanda yerli icra hakimiyyəti ilə paralel olaraq "prezidentin xüsusi nümayəndələri" institutunun təsis edildiyini bildirən Oruc faktiki olaraq regional icra hakimiyyətinin yeni qolunun formalaşması mümkünlüyünə işarə edib.

Hazırkı Konstitusiya 1995-ci ildə qəbul edilib, həmin vaxtdan etibarən ona üç dəfə - 2004, 2009 və 2016-cı illərdə prezidentlik institutunun gücləndirilməsinə yönəlmiş dəyişikliklər edilib.