Bakı Şəhər İcra Hakimiyyəti Milli Şuranın sentyabrın 17-də, Müsavat Partiyasının isə sentyabrın 18-də mitinq keçirməsinə icazə verib.
Sentyabrın 26-da keçiriləcək referenduma çıxarılan Konstitusiyaya dəyişikliklərə Müsavat Partiyasının etiraz aksiyası bazar günü saat 15:00-dan 17:00-dək “Məhsul” stadionunda olacaq. Bu barədə Turana Müsavat Partiyasının başqanı Arif Hacılı bildirib.
Müsavat Partiyası prezidentin səlahiyyət müddətinin 5 ildən 7 ilədək artırılmasını, birinci vitse-prezident və vitse-prezidentlər postunun yaradılmasını, prezidentə parlamenti buraxmaq səlahiyyətinin verilməsini nəzərdə tutan dəyişikliklərə etiraz edir. Həmçinin düzəlişlər deputatlar və dövlət başçısı üçün yaş həddinin ləğvini nəzərdə tutur. Müsavat Partiyası bunu “sülalə rejiminin möhkəmləndirilməsi” hesab edir və referendumun ləğvini tələb edir.
Qeyd edək ki, Demokratik Qüvvələrin Milli Şurası sentyabrın 17-nə analoji tələblərlə mitinq təyin edib və bu aksiyaya da meriya razılıq verib. Bundan öncə sentyabrın 11-də MŞ referendumun ləğvi tələbilə çoxminlik etiraz aksiyası keçirib.-16d-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz