Həbs edilmiş hüquq müdafiəçisi admiralı ittiham edir

Fırıldaqçılıqda və zorla pul tələb etməkdə ittiham olunan hüquq müdafiəçisi və “Hüquqa inamla” firmasının rəhbəri Bəxtiyar Məmmədov siyasi motivlərlə, HDQ komandanı, vitse-admiral Şahin Sultanovun sifarişi ilə təqib olunduğunu bildirib.

Məmmədov 2011-ci ilin sonlarında HDQ komandanlığının əmri ilə Bayraq Meydanı ətrafındakı ərazilərdən köçürülən hərbi qulluqçuların hüquqlarını müdafiə etməyə başladıqdan sonra həbs edilib.

Məmmədovun fevralın 21-də məhkəmədə yekun çıxışının mətnini Turan-a təqsirləndirən şəxsin doğmaları təqdim edib. Məmmədov həbsinə qədər hərbi qulluqçu olan qızına və hərbi akademiyanın müəllimi olan qardaşına təzyiq göstərildiyini bildirib.

Məmmədov iddia edir ki, Sultanovun qanunsuz əməllərini ifşa edən videomaterialları etibarlı yerlərdə saxlayır. O, qanunsuz əməllərinə son qoymazsa, bu materialları sosial şəbəkələrə yayacaq. Videolentlərdən birində Sultanovun göstərişi ilə magistral yol boyunca divar sökülür, bu divarın arxasında hərbiçilərin ailələrinin yaşayır. Bunun nəticəsində hərbiçilərin evlərinin kommunikasiyaları kəsilib.

Məhkəmədə HDQ nümayəndəsi Elxan Hacıyev bildirib ki, hərbiçilərin ailələrinin yerləşdirilməsi üçün 2 mln. manat ayrılıb. Bu zaman 25 ailənin hər birinə 10 min manat verilib, qalan məbləğə isə guya Buta qəsəbəsində evlər tikilməli idi.

“2012-ci ilin mayında hərbiçilərə tamamilə təmir edilmiş mənzillər vəd ediblər, amma artıq 2013-cü ilin fevralı olmasına baxmayaraq, mənzil yoxdur, pullar isə mənimsənilib”, deyə Məmmədov bildirib.

O, məhkəməni obyektiv hökm çıxarmağa çağırıb. Bir müddət əvvəl prokuror Məmmədova 12 il azadlıqdan məhrumetmə cəzası istəyib. Fevralın 25-nə təyin olunmuş hökmün elan olunması baş tutmayıb. -06D-