Gürcüstan prezidenti Mixail Saakaşvili bu gün Tbilisidə keçirilən brifinqdə fevralın 27-də Azərbaycana səfərə gedəcəyini bildirib. O, səfərin detalları barədə məlumat verməyərək, nümayəndə heyətinin tərkibinə Tbilisi meri Gigi Uqulavanın da daxil olduğunu bildirib. Lakin merə qarşı cinayət işi açılıb və prokurorluq onun ölkəni tərk etməməsini tələb edir.
Rəsmi Bakı hələlik Gürcüstan prezidentinin səfəri haqqında məlumat yaymayıb.
* Uqulava “İmedi” teleşirkətinə yiyələnməkdə ittiham olunur. Təhqiqatın fikrincə, şirkətin həmsədri amerikalı Cozef Keyin 2008-ci ildə hədə-qorxu altında şirkətdəki payını merə satmağa məcbur olub. İstintaqın versiyasına görə, şirkətin əldə edilməsi Tbilisi meriyası tərəfindən saxta saziş əsasında maliyyələşdirilib. Mer həmçinin “Vahid milli hərəkat” fəalları üçün saxta iş yerləri yaratmaqda ittiham olunur. İstintaq hesab edir ki, hakim partiyanın 764 fəalı paytaxt büdcəsindən qanunsuz olaraq 4,1 milyon lari (təxminən 2,5 milyon dollar) alıb. -16D-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz