Həbsdə olan 1-ci qrup əlil Famil Xəlilovun əllərində çürümə başlayıb
Həbsdə olan ictimai fəal, 1-ci qrup əlil Famil Xəlilovun əlləri çürüyür. Bunu Turana mayın 28-də fəalın yoldaşı Kiçikxanım Xəlilova məlumat verib.
F.Xəlilovla 1 saylı Bakı İstintaq Təcridxanasında görüşən həyat yoldaşının sözlərinə görə, fəal mayın 17-də başladığı aclığı dayandırdı: "Ona vəd verilib ki, işə ədalətli baxılacaq və Famil 2 gün aclıqdan sonra aksiyanı dayandırdı. Amma vəd yerinə yetirilməsə müddətsiz aclığa başlayacağını dedi".
K.Xəlilova qeyd edib ki, həyat yoldaşının səhhətində əlavə problemlər yaranıb: "Famil evdə olanda onun qolları iflic olduğuna görə mən ona qulluq edirdim. Əllərini yuyurdum, maz çəkirdim. İndi onu edən yoxdur. Üstəlik də o ayaq üstə dayana bilsin deyə əlləri arxadan bağlayırdıq. İndi isə əlləri bağlı olduğuna görə əllərində çürümə başlayıb. Bunu mənə təcridxanadakı həkimlər deyib".
Fəalın yoldaşının sözlərinə görə, F.Xəlilov təcridxananın tibb-sanitar hissəsində saxlanılır və bütün lazım olan dərmanlarla təchiz olunur.
Qollarını iflic olan Xəlilov sosial şəbəkələrdə hakimiyyəti tənqid edirdi və insanları etiraz aksiyalarında iştiraka çağırırdı.
Xəlilov mayın 4-də saxlanılıb. Fəala qarşı Cinayət Məcəlləsinin 234.4.3-cü (külli miqdarda narkotik vasitənin qanunsuz dövriyyəsi) maddəsi ilə ittiham irəli sürülüb. İttiham sübut olunarsa o, 12 ilədək azadlıqdan məhrum edilə bilər.
-
- Cəmiyyət
- 28 May 2024 18:21
-
- Kənd təsərrüfatı
- 28 May 2024 22:35
Siyasət
-
107 gündür həbsdə aclıq edən iqtisadçı Fazil Qasımova aksiyanı dayandırması üçün təzyiq edilir. Bu barədə Qasımovun yaxınları bildiriblər.
-
Qarabağdan bütün erməni əhalisinin təşkil olunmuş köçündən bir il sonra, bölgənin keçmiş erməni sakinlərinin yalnız 2,6%-i Ermənistan vətəndaşlığını əldə edib. Ermənistanın Miqrasiya Xidmətinin məlumatına görə, təxminən 120 min məcburi köçkün arasından yalnız 3 226 nəfər Ermənistan pasportu alıb.
-
Azərbaycan və Səudiyyə Ərəbistanı arasında diplomatik və xidməti pasportlara malik olan və qısamüddətli səfər edən şəxslərin qarşılıqlı giriş vizasından azad edilməsi haqqında anlaşma memorandumu imzalanıb.
-
Azərbaycan və İndoneziya arasında diplomatik pasport sahiblərinin vizasız səfərləri barədə razılıq əldə edilib. Müvafiq hökumətlərarası sazişi sentyabrın 27-də Nyu-Yorkda Birləşmiş Millətlər Təşkilatı Baş Assambleyasının 79-cu sessiyası çərçivəsində keçirilən görüşdə Azərbaycan və İndoneziyanın xarici işlər nazirləri Ceyhun Bayramov ilə Retno Marsudi imzalayıblar.
Rəy yaz